ఫేక్ అకౌంట్ తో ప్రొఫెసర్ బూతుపాఠాలు

Posted: 06/06/2016 05:26 PM IST

గౌరవనీయ టీచర్ వృత్తిలో ఉన్న అతనికి ఓ పిచ్చి ఆలోచన వచ్చింది. సామాజిక మాధ్యమాన్ని వినియోగించుకుని అశ్లీల కార్యకలాపాలకు పాల్పడ్డాడు. పేస్ బుక్ లో ఓ ఫేక్ అకౌంట్ క్రియేట్ చేసి అమ్మాయిలందరికీ ఫ్రెండ్ రిక్వెస్ట్ లు పంపాడు. ముందు మంచిగా స్నేహం పెంచుకుని ఆపై సెక్స్ చాట్ చేయాలని కోరడం. బూతు ఫోటోలు, కామెంట్లు పెట్టి అమ్మాయిలను వేధించడం చేశాడు. చివరికి ఖాకీలు రంగ ప్రవేశం చేయడంతో ఆ ప్రొఫెసర్ వికృత చేష్టలు బయటపడ్డాయి.

కాకినాడలో ఓ ప్రైవేట్ ఇంజనీరింగ్ కళాశాలలో కమ్యూనికేషన్ స్కిల్స్, మేనేజ్ మెంట్ శిక్షణ ఇచ్చే అధ్యాపకుడిగా పనిచేస్తున్నాడు కారాని నరేష్. ఫేస్ బుక్ లో ఓ ఫేక్ అకౌంట్ క్రియేట్ చేసి కనిపించిన వారికల్లా రిక్వెస్ట్ లు పంపాడు. ఆపై అర్థరాత్రి ఆ అమ్మాయిలతో చాట్ చేయడం మొదలుపెట్టాడు. మొదట్లో మాములుగానే కొనసాగిన ఆపై రాను రాను అసభ్యంగా ప్రవర్తించడం మొదలుపెట్టాడు. నగ్న చిత్రాలు పంపడంతోపాటు అమ్మాయిలను నగ్నంగా వీడియో చాట్ చేయాలని కోరేవాడంట. అతని ఆగడాలు శృతిమించడంతో పెనుగొండకు చెందిన ఓ యువతి సైబర్ క్రైం పోలీసులను ఆశ్రయించింది. దీంతో వారు రంగంలోకి దిగి అతన్ని అదుపులోకి తీసుకున్నారు. కాగా, అతను టార్గెట్ చేసిన అమ్మాయిల్లో ఎక్కువ మంది అతగాడి స్టూడెంట్సే ఉన్నారని తెలుస్తోంది.

భాస్కర్