రిపబ్లిక్ పార్టీ అధ్యక్ష అభ్యర్థిగా అమెరికా ఎన్నికలలో దూసుకుపోతున్న డోనాల్డ్ ట్రంప్ తన వివాదాస్పద వ్యాఖ్యలతో ఇంటి బయటా తీవ్ర విమర్శలు ఎదుర్కొంటుండగా, ఆయన ఇంట్లో ఒకప్పుడు పనిమనిషిగా పనిచేసిన ఆంటోనీ సెనెకల్ రెండాకులు ఎక్కువే చదివినట్టున్నాడు. అమెరికా అధ్యక్షుడు బరాక్ ఒబామాను హతమార్చాలంటూ 84 ఏళ్ల ఆంటోనీ తీవ్ర ఆరోపణలు చేశాడు. ఈ మేరకు ఆయన తన ఫేస్బుక్లో పోస్ట్ చేశాడు. అయితే అతని కామెంట్లతో తమకేమీ సంబంధం లేదని డోనాల్డ్ ట్రంప్ వర్గం స్పష్టం చేసింది.
అమెరికా అధ్యక్షుడు బరాక్ ఒబామా, ఆయన కుటుంబ సభ్యుల భద్రత బాధ్యతను సీక్రెట్ సర్వీస్ చూస్తుంది. దీంతో ఫేస్ బుక్ కామెంట్లు వెలుగులోకి రావడంతో ఆంటోనీ ఫేస్బుక్ పోస్టింగ్పై ఆమెరికా సీక్రెట్ సర్వీస్ విచారణ చేయనుంది. ఆంటోనీ వ్యాఖ్యలపై పూర్తిస్థాయి విచారణ చేస్తామని సీక్రెట్ సర్వీస్ ప్రతినిధి రాబర్ట్ హొబక్ చెప్పారు. ఆంటోనీ కామెంట్స్ను అతని ఫేస్బుక్ ఫాలోవర్లు చదవడం, ఇవి బహిరంగం కావడంతో సోషల్ మీడియాలో సంచలనం రేపింది. మదర్ జోన్స్ పత్రికలో ఈ వార్త రావడంతో దుమారం రేగింది.
కాగా ఈ కామెంట్ను తానే రాశానని, ఒబామాను హతమార్చాలన్న వ్యాఖ్యలకు కట్టుబడి ఉన్నానని ఆంటోనీ చెప్పినట్టు ఆ పత్రిక వెల్లడించింది. ఒబామా మీద అతనికెందుకు కోపం వుందన్న విషయం మాత్రం అతను వెల్లడించలేదు. అదే సమయంలో ఆంటోనీ వ్యాఖ్యలను ట్రంప్ శిబిరం వెంటనే ఖండించింది. ఆయన కొన్నేళ్ల నుంచి ట్రంప్ వద్ద పనిచేయడం లేదని, ఒబామాపై చేసిన వ్యాఖ్యలతో తమకు ఏమాత్రం సంబంధంలేదని ట్రంప్ ప్రతినిధి ఓ ప్రకటనలో తెలియజేశారు.
ఫ్లోరిడాలో ట్రంప్ ఇంట్లో ఆంటోనీ 17 ఏళ్ల పాటు పనిమనిషిగా అంటోని పనిచేశాడని ధృవీకరించిన ట్రంప్ ప్రతినిధి.. అతడెందుకు ఇంతటి తీవ్రమైన కామెంట్లు చేశాడన్న విషయం కూడా తమకు తెలియదని పేర్కోన్నాడు. రిపబ్లిక్ పార్టీ తరపున అధ్యక్ష అభ్యర్థిగా ట్రంప్ బరిలో నిలవకముందే ఆయన పనిమానేశాడు. ఆంటోనీ వ్యాఖ్యలపై వైట్ హౌస్ నుంచి ఎలాంటి ప్రకటన రాలేదు. ఆంటోనీ గతంలో కూడా ఒబామాను ఉద్దేశించి విద్వేషపూరిత వ్యాఖ్యలు చేశాడు.
మనోహర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more