ITEMVIDEOS: పురంధేశ్వరి బిజెపిలో కొత్త బిచ్చగత్తె..!

Posted: 03/02/2016 09:32 AM IST

ఏపిలో తెలుగుదేశం పార్టీకి, భారతీయ జనతా పార్టీకి ఉన్న విభేదాలు తారాస్థాయికి చేరుతున్నట్లు కనిపిస్తున్నాయి.ఎన్నికల సమయంలో కుదుర్చుకున్న ఒప్పందం.. తర్వాత కాలం చెల్లినట్లు కనిపించింది. తెలుగుదేశం పార్టీ కార్యకర్తలకు, బిజెపి పార్టీ కార్యకర్తలకు ఎక్కడా సయోధ్య కుదరడం లేదు. బీజేపీ-టీడీపీల మధ్య విభేదాలపై పలుసార్లు సీఎం చంద్రబాబు ఎమ్మెల్యేలకు క్లాస్ పీకినా ఫలితం లేకపోయింది. తాజాగా పురందేశ్వరి చంద్రబాబును విమర్శించారు. ఇందుకు స్పందించిన టీడీపీ నేతలు ఆమెపై ఆగ్రహం వ్యక్తం చేశారు.

పురందేశ్వరి ఇంకితజ్ఞానం లేకుండా మాట్లాడుతున్నారు..ఈవిడ బీజేపీలో కొత్త బిచ్చగత్తేమో అనిపిస్తోందంటూ టీడీపీ నేత గోరంట్ల బుచ్చయ్యచౌదరి వ్యాఖ్యానించారు. పోలవరానికి నిధులు ఇవ్వాల్సింది కేంద్రమేనని మరోసారి ఆయన స్పష్టం చేశారు. నిధులు ఇవ్వని కేంద్రాన్ని తప్పుబట్టకుండా..చంద్రబాబును విమర్శించడంలో అర్థంలేదని గోరంట్ల మండిపడ్డారు. దాంతో బిజెపి నాయకులు, తెలుగుదేశం నాయకుల మధ్య ఉన్న విభేదాలు తేటతెల్లమయ్యాయి. కాగా కేంద్రం నుండి ఆశించిన మేర సహకారం లేని కారణంగా రాష్ట్రంలో ముందు బిజెపితో తెగతెంపులు చేసుకొని... తర్వాత కేంద్రంలో కూడా విభేదించాలని టిడిపి వర్గాలు సమాలోచనలు చేస్తున్నట్లు సమాచారం.