ఫేస్‌బుక్ అమెను హంతకురాలిని చేసింది.. ప్రియుడిని చంపింది..

Posted: 02/23/2016 11:27 AM IST

Boyfriend stabbed to death over his use of facebook

ఫేస్‌బుక్.. ప్రపంచవ్యాప్తంగా అతిపెద్ద సోషల్ నెల్ వర్కింగ్ సైట్. అయితే దీని నుంచి మంచి ఎంతో వుందో అంతకన్నా అధికంగా చెడకు కూడా యువత ప్రభావితం అవుతుందని అనడంలో అతిశయోక్తి లేదు. ప్రపంచ వ్యాప్తంగా పలువురు అమాయకుల ప్రాణాలను బలితీపుకోవడంతో పాటు అనేక మందిని దోషులుగా కూడా మార్చింది. లండన్ లో ఓ హెయిర్ డ్రెస్సర్ జీవితాన్ని ఫేస్ బుక్ ఏకంగా మార్చేసింది. అదెలా అంటారా..? ఫేస్‌బుక్ వీపరీతంగా వాడతున్న తన బోయ్‌ఫ్రెండ్ ను అమె ఏకంగా హత్య చేయడమే ఇందుకు కారణం. నేరం రుజువు కావడంతో అమెకు అక్కడి న్యాయస్థానాలు 12 ఏళ్ల జైలుశిక్ష విధించాయి.

గతేడాది ఆగస్టులో జరిగిన హత్య ఘటనలో పూర్తి వివరాలిలా ఉన్నాయి. టెర్రీ మారీ పామర్ అనే యువతి హెయిర్ డ్రెస్సర్ గా పనిచేస్తుండేది. నిరుద్యోగి అయిన ఆమె బోయ్ ఫ్రెండ్ డామన్ సియర్సన్ ఇటీవలే ఓ మొబైల్ ఫోన్ కొన్నాడు. అందులో ఫేస్‌బుక్ చాటింగ్ చేయడం మొదలెట్టాడు. తన అర్ధనగ్న ఫొటోలు కూడా విపరీతంగా పోస్ట్ చేసేవాడు. అలా.. అతడి వాడకం శృతిమించింది. దాంతో బాగా విసిగిప ఓయిన పామర్.. అతడ్ని చంపేయాలని నిర్ణయించుకుంది. గతేడాది ఆగస్టు13వ తేదీన బోయ్ ఫ్రెండ్ సియర్సన్‌ను గుండెల్లో కత్తితో పలు పోట్లు పొడిచి హత్యచేసింది. ఆ వెంటనే షాక్ నుంచి తేరుకుని స్వయంగా తానే అత్యవసర సేవల నంబర్ 999కు కాల్ చేసింది. తన లవర్ పొరపాటున కత్తితో పొడుచుకుని గాయపడ్డాడని చెప్పినట్లు పోలీసులు తెలిపారు.

ఆరు నెలల విచారణ తర్వాత పోలీసుల దర్యాప్తులో నిజాలు ఒక్కక్కటిగా బయటపడ్డాయి. బోయ్ ఫ్రెండ్ లేకపోవడంతో తనకు చాలా బోరింగ్‌గా ఉందని ఫేస్ బుక్ లో ఓ సందేశాన్ని పంపిన ఆమె... సియర్సన్ వ్యవహారం నచ్చకనే అతడ్ని చంపేశానంటూ మరో పోస్ట్‌లో పేర్కొంది. కొత్త ఫోన్ కొన్న తర్వాత ఫేస్‌బుక్ అతిగా వాడటం, కొత్త స్నేహాలు పెంచుకోవడమే సియర్సన్ మృతికి కారణమయ్యాయని పోలీసులు వివరించారు. తనను వదిలించుకోవాలని ప్రయత్నించాడని, వేరొక యువతిలో సన్నిహితంగా ఉంటున్నాడని భావించి ప్రియుడ్ని హత్యచేసినట్లుగా పామర్ కోర్టులో చెప్పింది.

జి. మనోహర్