అమీర్ పేట్ నగల దుకాణంలో అగ్నిప్రమాదం

Posted: 02/22/2016 08:36 AM IST

హైదరాబాదులోని అమీర్ పేటలో ఓ నగల దుకాణంలో భారీ అగ్ని ప్రమాదం సంభవించింది. ప్రారంభానికి సిద్ధంగా ఉన్న ఓ జువెలరీ షాపు మటంల్లో దగ్ధమైంది. అమీర్ పేటలోని గురుద్వారా సమీపంలో కొత్తగా ఓ నగల దుకాణం రెడీ అవుతుంది. ఈ క్రమంలో ఈ ఉదయం ఉన్నట్టుండి షాపులో మంటలు చెలరేగాయి.. స్థానికుల సమాచారం మేరకు అగ్నిమాపక సిబ్బంది అక్కడికి చేరుకుని మంటలు ఆర్పే ప్రయత్నం చేశారు. వారు వచ్చే లోపుగానే షాపు మొత్తం తగలబడిపోయింది. త్వరలో జరగనున్న ప్రారంభోత్సవం నేపథ్యంలో భారీ ఎత్తున సేకరించిన నగలన్నీ ఈ ప్రమాదంలో కాలి బూడిదైనట్లు సమాచారం. తద్వారా నష్టం కోట్లలో జరిగినట్లు తెలుస్తోంది.ఆగంతుకుల పనే అని షాపు యజమాని అనుమానం వ్యక్తం చేశారు. ఫిర్యాదు అందుకున్న పోలీసులు కేసు నమోదు చేసుకుని ఘటనాస్థలిని పరిశీలించి దర్యాప్తు చేపట్టారు.