ITEMVIDEOS: సుసంపన్నడు.. బికినీ పాపలతో పార్టీ.. భార్యకు మాత్రం గొలుసు

Posted: 12/13/2015 04:27 PM IST

డబ్బుంటే కొండ మీద కోతిని కూడా కిందకు దించవచ్చు అనేది పాత సామెత. ఇప్పుడది అప్‌డేట్‌ అయింది. ఎంత డబ్బుంటే అంత గ్రాండ్‌గా పార్టీ చేసుకోవచ్చేనేది కొత్త సామెత. ఆస్ట్రేలియా టొబాకో దిగ్గజం ట్రావెర్స్‌ బెనాన్‌ ఈ సామెతనే ఫాలో అయిపోతున్నాడు. కుప్పలు తెప్పలుగా డబ్బులు వచ్చి పడుతుండడంతో వాటిని ఏమి చేయాలో తెలియక రెగ్యులర్‌గా సన్నిహతులందరికీ గ్రాండ్‌గా, విభిన్నంగా పార్టీలివ్వడం ఈ క్యాండిమన్‌ (తనకి తానే పెట్టుకున్న ముద్దుపేరు) స్టైల్‌. వీకెండ్స్‌లో విభిన్నమైన థీమ్‌ పార్టీలతో సన్నిహితులకు థ్రిల్‌ కలిగించి ఆ ఫోటోలను ఇన్‌స్టాగ్రామ్‌లో షేర్‌ చేయడం అతని హాబీ.

 

బెనాన్‌ ఈ వీకెండ్‌లో ఏనిమల్‌ థీమ్‌తో పార్టీ ఇచ్చాడు. శనివారం మధ్యాహ్నం నుంచి ఆదివారం ఉదయం వరకు ఈ పార్టీ జరిగింది. అయితే ఏ థీమ్‌తో పార్టీ ఇచ్చినా అందులో మత్తెక్కించే మద్యంతో పాటు కైపెక్కించే బికినీ భామలు కామన్‌. వారందరూ హెలీకాఫ్టర్‌ నుంచి డైరెక్టుగా స్విమ్మింగ్‌ ఫూల్‌లో ల్యాండ్‌ అయి అక్కడి వారికి అందాల విందు ఇస్తారు. శనివారం జరిగిన ఈ పార్టీకీ దాదాపు 5 కోట్ల రూపాయలు ఖర్చయ్యాయట. ఈ పార్టీలో ఏనుగు, మొసలి, కొండముచ్చులు కూడా సందడి చేశాయి. ఆహుతులంతా మద్యం మత్తును ఆస్వాదిస్తూ తూలిపోతుంటే బికినీ బేబీలతో కలిసి సదరు జంతువులు కూడా వారిని అలరించాయి. ఈ ఫోటోలను కూడా యథావిధిగా బెనాన్‌ ఇన్‌స్టాగ్రామ్‌లో పోస్ట్‌ చేశాడు. అయితే మూగ జంతువులను ఇలా పార్టీ పేరిట హింసించడాన్ని నిరసిస్తూ చాలామంది దీనిపై విమర్శలు గుప్పించారు.