ఓ రౌడీషీటర్కు దిమ్మతిరిగి మైండ్ బ్లాక్ అయ్యేలా రివర్స్ పంచ్ ఇచ్చారు తూర్పుగోదావరి జిల్లా అమలాపురం పోలీసులు. ఓ రౌడీ షీటర్ స్థానికంగా తాను ఒక నేతగా ఎదిగే ప్రయత్నాలను అదిలోనే తుంచివేశారు. తానోకటి తలిస్తే.. దైవం మరోకటి తలచిందన్నట్లు తాను ఒక రౌడీ అని మర్చిపోయిన అమలాపురం పట్టణ ప్రజలకు మరోసారి ఆయన రౌడీ షీటర్ అంటూ గుర్తు చేశారు. బొలెడు డబ్బులు తగిలేసి తన జన్మదిన శుభాకాంక్షల ఫ్లెక్సీలను ఏర్పాటు చేసుకుంటే.. వాటిని ఏమీ చేయలేక.. రివర్స్ రూట్ లో వెళ్లిన పోలీసులు ఆయన ఫ్లెక్సీలనే వేదికలుగా చేసుకుని ఆయనకు వ్యతిరేక ప్రచారం నిర్వహించారు. అదెలా అంటే.. రౌడీషీటర్ ఏర్పాటు చేసిన భారీ ఫ్లెక్సీపై... ఆయనో రౌడీ అంటూ మరో చిన్న సైజు ఫ్లెక్సీ అతికించి అందరి దృష్టిని ఆకర్షించేలా చేశారు. ఇలా పోలీసులు ఇచ్చిన రివర్స్ పంచ్ తో స్వామినాయుడుకు బుర్ర వేడెక్కిపోయింది.
అమలాపురంలోని ఆరు రౌడీ గ్యాంగ్లలో కొలగాని స్వామినాయుడు ఎలియూస్ నాయుడు కూడా ఒకడు. కాగా, అతని జన్మదిన శుభాకాంక్షలు తెలుపుతూ పట్టణంలో 22 చోట్ల భారీ ఫ్లెక్సీలు వెలిశాయి. అదే విధంగా గడియారంస్తంభం సెంటర్లో, అందునా మహాత్మా గాంధీ విగ్రహం ఉన్న ట్రాఫిక్ ఐల్యాండ్పై భారీ సైజులో నాయుడు ఫ్లెక్సీ పెట్టటాన్ని పోలీసులు తీవ్రంగా పరిగణించారు. అదే ఫ్లెక్సీపై ‘రౌడీషీటర్ గారు శ్రీ కొలగాని నాయుడు గారు... ఇట్లు అమలాపురం టౌన్ పోలీసు’ అని రాసి ఉన్న చిన్న ఫ్లెక్సీలను అతికించారు. ఒక పక్క క్రికెట్ బ్యాట్, మరోపక్క నెత్తురుతో ఉన్న కత్తి బొమ్మలను ఆ ఫ్లెక్సీపై ముద్రించారు. పట్టణ సీఐ వైఆర్కే శ్రీనివాస్ రౌడీషీటర్ల పట్ల కఠినంగా వ్యవహరిస్తూన్నారు. ఆ చర్యల్లో భాగంగానే ఈ రివర్స్ ఫ్లెక్సీని పోలీసులు ఏర్పాటు చేశారు. పోలీసుల చర్యలతో చేసేది లేక మిన్నకుండిపోయన ఆయన.. ఇది ఒక రకమైన ప్రచారమే అనుకుంటారా..? లేక తన వారితో ఫ్లెక్సీలు తీయించివేస్తారా..? చూడాలి
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more