తెలంగాణ తెలుగుదేశం పార్టీలో కీలక నేత, ఆ పార్టీ యువ ఎమ్మెల్యే కేపీ వివేకానంద్ గౌడ్ పై హత్యాయత్నం కేసు నమోదైంది. దాయాధుల మధ్య వున్న వివాదాస్పద స్థలం విషయంలో రేగిన వివాదమే ఇందుకు కారణమైంది. రంగరెడ్డి జిల్లా కుత్బుల్లాపూర్ నియోజకవర్గానికి ప్రాతినిధ్యం వహిస్తున్న వివేకానంద్ కు తన సొంత బాబాయి, రంగారెడ్డి జిల్లా కాంగ్రెస్ పార్టీ మాజీ అధ్యక్షుడు కేఎం ప్రతాప్ గౌడ్ తో విభేదాలున్నాయి. హైదరాబాదు శివారు ప్రాంతం చింతల్ లో వీరికి చెందిన ఓ స్థలం వివాదంలో ఉంది. కాగా, దీపావళి సందర్భంగా సదరు స్థలంలో వివేకానంద్ ఆదేశాలతో హరికృష్ణ అనే వ్యక్తి టపాసుల దుకాణాన్ని ఏర్పాటు చేశాడు.
విషయం తెలుసుకున్న కేఎం ప్రతాప్ కుమారుడు కేపీ విశాల్, వివాదాస్పద స్థలంలో దుకాణం ఎలా ఏర్పాటు చేశావని హరికృష్ణను నిలదీశారు. దీనిపై సమాచారం అందుకున్న వివేకానంద్ అక్కడికి చేరుకోగా, ఇద్దరు అన్నదమ్ములు వివేకానంద్, విశాల్ మధ్య వాగ్వాదం చోటుచేసుకుంది. ఈ క్రమంలో విశాల్ పై వివేకానంద్ చేయి చేసుకున్నారు. దీంతో వివేకానంద్ తనపై దాడి చేశారని, తనను హత్య చేసేందుకు యత్నించారని విశాల్ జీడిమెట్ల పోలీసులకు ఫిర్యాదు చేశారు. దీంతో వివేకానంద్ పై పోలీసులు హత్యాయత్నం కేసు నమోదు చేశారు. మరోవైపు తనను డబ్బులివ్వాలని బెదిరించారని టపాసుల దుకాణ యజమాని హరికృష్ణ ఇచ్చిన ఫిర్యాదు మేరకు విశాల్ పై కూడా పోలీసులు కేసు నమోదు చేశారు.
జి. మనోహర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more