అందుకు మోదీకి బాధేస్తోందట

Posted: 10/30/2015 12:32 PM IST

ప్రధాని నరేంద్ర మోదీ తన ఆవేదనను వ్యక్తం చేశారు. బీహార్ ఎన్నికల్లో వాడీవేడిగా సాగుతున్న విమర్శల పర్వం మీద తన మనసులోని మాటను విప్పారు. బీహార్ యువత తమ భవిష్యత్తును తామే నిర్ణయించుకోవాలని.. అందుకు ఓటును ఉపయోగించుకోవాలని పిలుపునిచ్చారు. నితీష్ కుమార్, లాలూ ప్రసాద్ ల మీద తీవ్రంగా విమర్శలు గుప్పిస్తున్న మోదీ... ఓటర్లను ఒక్క సారి ఇలోచించమని అంటున్నారు. అయితే ఎన్నికల్లో బాగంగా నితీష్ కుమార్, లాలూ ప్రసాద్ యాదవ్ లు చేస్తున్న విమర్శలు చూస్తే తనకు బాధేస్తోందని అంటున్నారు మోదీ. ఇంత దిగజారుడు విమర్శలా అని అంటున్నారు. మూడు దశల ఎన్నికలు ముగిసిన బీహార్ లో మరో రెండు విడతల ఎన్నికలు మిగిలి ఉన్నాయి.

నితీష్ కుమార్, లాలూ ప్రసాద్ యాదవ్ లు తన మీద చేస్తున్న ఆరోపణలు... రాజకీయల్లో దిగజారిన విలువలను గుర్తు చేస్తున్నాయని అన్నారు. ఎన్నికల్లో గెలుపోటములు సహజమని.. కానీ కొందరు మాత్రం తమ విలువలను వదిలి ఇష్టం వచ్చినట్లు మాట్లాడుతున్నారని అన్నారు. నితీష్ కుమార్ కు తన మంత్రి వర్గంలోని మంత్రి, ఓ ఎమ్మెల్యే లక్షలకు లక్షల రూపాయలను లంచంగా తీసుకున్నా కనిపించదు కానీ.. తన మీద , తన అవినీతిరహిత కేబినెట్ మీద మాత్రం విమర్శలు గుప్పిస్తారని అన్నారు. అయినా నితీష్ తనను విమర్శించేంత స్థాయి కాదు అని అన్నారు. తమ బిజెపి ప్రభుత్వం అధికారంలోకి వస్తే బీహార్ లో వలసలు ఉండవని.. యువత కొసం ఉద్యోగాలు సృష్టిస్తామని అన్నారు.