ఆ సినిమా హిట్.. మేము కూడా హిట్ అవుతాం

Posted: 10/30/2015 12:33 PM IST

సినిమా డైలాగ్ లు వాడుకోవడం.. సినిమాలోని పాటలను వాడుకోవడం ఎన్నికల ప్రచారంలో అన్ని పార్టీలకు బాగానే అలవాటైంది. తాజాగా జరుగుతున్న బీహార్ ఎన్నికల్లో అన్ని పార్టీల నాయకులు కాస్త మసాలా అద్దుతూ.. సినిమా లిరిక్స్ వాడుతున్నారు.. సినిమా ఫ్లేవర్ అను ఎన్నికల ర్యాలీల్లో యాడ్ చేస్తూ అందరికి ఆశ్చర్యాన్ని, వినోదాన్ని పంచుతున్నారు. బీహార్ సిఎం నితీష్ కుమార్ ఓ సినిమాలోని పాటలోని లిరిక్స్ కు మోదీ మీద పేరడీగా మార్చి.. సభలో నవ్వులు పూయించారు. అలాగే మోదీ కూడా దానికి కౌంటర్ గా జెడియు, ఆర్జేడీ, కాంగ్రెస్ కూటమిని త్రీఇడియట్స్ తో పోల్చారు. అయితే ఇలా నడుస్తున్న మాటల తూటాలను కొనసాగిస్తూ.. రాహుల్ గాంధీ కూడా అందులో జాయిన్ అయ్యారు.

ఎన్నికల ప్రచారంలో భాగంగా బహిరంగ సభలో మాట్లాడిన రాహుల్ మోదీ చెప్పిన త్రీఇడియట్స్ మీద కౌంటర్ వేశారు. మోదీగారి ధన్యవాదాలు... మా కూటమి ఆయన సభల్లో బాగా ప్రచారం చేస్తున్నారు... ఆ సినిమా హిట్ అయింది.. అలాగే బీహార్ ఎన్నికల్లో మా కూటమి కూడా హిట్ అవుతుందని రాహుల్ గాంధీ ఆశాభావం వ్యక్తం చేశారు. మోదీగారి మాయ మాటలు.. ఇక చెల్లవని. ఎంత కాలం ఇలా మాటలు చెబుతారని రాహుల్ గాంధీ ప్రశ్నించారు. మోదీకి ఓటమి భయం పట్టుకుందని కాబట్టే ఇలా త్రీ ఇడియట్స్, షైతాన్ అంటున్నారని అన్నారు.