‘వలీమా’ ఫంక్షన్లో అల్లుడిని చంపేసిన మేనమామ

Posted: 10/05/2015 10:59 AM IST

Hyderabadi maternal uncle killed his son in law in reception party

విశ్వవ్యాప్తంగా పేరుగాంచిన నగరాల్లో ఒకటిగా పేరుగాంచిన హైదరాబాద్.. ఇప్పుడు ‘హత్యల సిటీ’గా మారుతున్నట్లు కనిపిస్తోంది. ఆ నగరంలోని పాతబస్తీలో వరుసగా జరుగుతున్న ఘటనలే అందుకు కారణాలుగా నిలుస్తున్నాయి. ప్రతి చిన్న విషయానికి ఘర్షణకు దిగుతున్న అక్కడి వ్యక్తులు మానవత్వం రాక్షసులుగా వ్యవహరిస్తూ రక్తపాతానికి తెగబడుతున్నారు. మొన్నటికి మొన్న చిన్న జట్కా బండి కోసం ముగ్గురు వ్యక్తుల మధ్య జరిగిన కత్తి ఫైటింగ్ లో ఓ వ్యక్తి అక్కడికక్కడే చనిపోయిన ఘటన తీవ్ర సంచలనానికి దారితీసిన విషయం తెలిసింది. తాజాగా ఆదివారం అదే ప్రాంతంలో నెలకొన్న చిన్న వివాదంలో మరో వ్యక్తి హత్యకు దారి తీసింది. పైగా.. సొంత మేనమామ తన అల్లుడిని చంపేయడం అందరినీ ఆశ్చర్యానికి గురి చేస్తోంది.

పూర్తి వివరాల్లోకెళితే... పాతబస్తీ పరిధిలోని భవానీ నగర్ కు చెందిన హైదయత్ ఫంక్షన్ హాల్ లో ఆదివారం ఓ వివాహ విందు (వలీమా) జరిగింది. అప్పటిదాకా ఆ వేడుక ఓ పండగలా జరిగింది. బంధుమిత్రులతో, సన్నిహితులతో నిండిపోయిన ఆ వేడుక ఆనందంగా కొనసాగింది. కానీ.. ఇంతలోనే ఎవరూ ఊహించని ఓ విషాద ఘటన ఆ ఫంక్షన్ లో చోటు చేసుకుంది. ఆ విందులో భాగంగా అహ్మద్ అనే యువకుడిపై అతడి మేనమామ కత్తితో దాడి చేశాడు. తన భార్యకు సంబంధించి నగల విషయంలో అల్లుడితో గొడవపడ్డ మేనమామ ఒక్కసారిగా ఆగ్రహావేశంతో ఊగిపోయాడు. అంతే! కత్తి తీసి అల్లుడిపై దాడి చేశాడు. ఈ దాడిలో అహ్మద్ కు తీవ్ర గాయాలయ్యాయి. వెంటనే అతడిని చికిత్స నిమిత్తం ఆసుపత్రికి తరలించగా, అతడు చనిపోయాడు. ఈ ఘటనలో మరో ముగ్గురు వ్యక్తులకు కూడా గాయాలయ్యాయి. అప్పటిదాకా వేడుకగా జరుగుతున్న వలీమా ఈ ఘటనతో ఒక్కసారిగా విషాదాన్ని నింపుకుంది.

AS