ITEMVIDEOS: మసీదులో బాంబ్ పేలుడు.. 29 మంది మృతి

Posted: 09/24/2015 12:57 PM IST

యెమెన్ లోని ఓ మసీదులో భారీగా బాంబ్ పేలుడు జరిగింది. ఈద్ అల్ అదా సందర్భంగా ముస్లింలు ప్రత్యేక ప్రార్థనలు చెయ్యడానికి మసీదు వద్దకు చేరుకున్నారు. యెమెన్ రాజధాని సనాలో పోలీస్ అకాడమి సమీపంలో ఉన్న మసీదు ఈ దుర్ఘటన చోటుచేసుకుంది. ఇద్దరు సూసైడ్ బాంబర్లు తమను తాము మసీదులో పేల్చుకోవడంతో దారుణం చోటుచేసుకుంది. షియా హౌతీ రెబెల్స్ ఆధీనంలో ఉన్న ప్రాంతంలో ఈ పేలుళ్లు చోటుచేసుకున్నాయి. స్థానిక మీడియా యెమెన్ పోస్ట్ ప్రకారం ఈ దుర్ఘటనలో 29 మంది చనిపోయినట్లు సమాచారం. కాగా వైద్యులు ఇప్పటి దాకా 15 మంది చనిపోయినట్లు ధృవీకరించారు. క్షతగాత్రులను స్థానిక ఆసుపత్రికి తరలిచింది సహాయక చర్యలను మరింత ముమ్మరం చేసింది యెమెన్ ప్రభుత్వం.