వాంగ్మూలంలో నిజాలను అంగీకరించిన నిక్కీ జోసెఫ్..!

Posted: 09/12/2015 07:51 PM IST

Nicky joseph confessed facts in her statement

ఇస్లామిక్ స్టేట్ ఉగ్రవాద సంస్థతో సంబంధాలు కలిగిన ఒక మహిళా ఉగ్రవాదిని అత్యంత చాకచక్యంగా హైదరాబాద్ రప్పించి.. అరెస్టు చేసిన సైబరాబాద్ పోలీసులు అమెను అరెస్టు చేసిన రిమాండ్ కు తరలించారు. అంతకు ముందు అమె నుంచి వాంగ్మూలాన్ని తీసుకున్న పోలీసులకు అమె నిజాలను వెల్లడించింది. దీనిని నమోదు చేసిన పోలీసులు అమెను న్యాయమూర్తి ముందు హాజరుపరిచారు. మువకులను ప్రలోభపెట్టి.. ఇస్లామిక్ స్టేట్ అఫ్ ఇరాన్ అండ్ సిరియా ఉగ్రవాద సంస్థలో చేరుస్తున్నట్లుగా నిక్కీ జోసెఫ్ అంగీకరించింది. దీంతో అమెకు 14 రోజుల పాటు జ్యుడీషియల్ కస్టడీ విధించారు న్యాయమూర్తి.

హైదరాబాద్ శంషాబాద్ విమానాశ్రయంలో పోలీసులు నిక్కీ జోసెఫ్ను అరెస్ట్ చేసిన సంగతి తెలిసిందే. ఈమెకు ఇస్లామిక్ స్టేట్ ఆఫ్ ఇరాన్ అండ్ సిరియా (ఐఎస్ఐఎస్)తో సంబంధాలు ఉన్నాయి. హైదరాబాద్కు చెందిన పలువురిని ఐఎస్ఐఎస్లో చేర్చేందుకు ఈమె ప్రయత్నిస్తున్నట్లు పోలీసుల దృష్టికి వచ్చింది. ఫేస్బుక్ అకౌంట్ ఓపెన్ చేసి.. దాని సాయంతో పలువురిని ఆకర్షించేందుకు ప్రయత్నించింది. గత జనవరిలో పోలీసులు అరెస్టు చేసిన మొయినుద్దీన్ అనే ఉగ్రవాదికి ఈమె ప్రియురాలని, ఈమె ఇంగ్లండ్ దేశస్థురాలని తెలుస్తోంది. ఈమెకు 2011లోనే మొయినుద్దీన్తో పరిచయం అయ్యింది. ఇక్కడ కొన్నాళ్ల పాటు తమ కార్యకలాపాలు సాగించిన తర్వాత.. దుబాయ్ వెళ్లిపోయింది. ఆమెను పోలీసులు అత్యంత చాకచక్యంగా హైదరాబాద్కు రప్పించి అరెస్ట్ చేశారు.

జి. మనోహర్