బాబు.. నోరు తెరిస్తే అబద్దాలే.. చేసేవన్నీ మోసాలే

Posted: 07/22/2015 11:31 AM IST

Chandrababu naidu speak only lies and cheat the people

ఆంధ్రప్రదేశ్ ముఖ్యమంత్రి నారా చంద్రబాబు నాయుడుపై ప్రతిప‌క్ష నేత వైఎస్ఆర్ కాంగ్రెస్ అధ్యక్షుడు వైఎస్ జ‌గ‌న్‌ మోహ‌న్‌రెడ్డి మ‌రోవారు విరుచుకుప‌డ్డారు. బాబు నోరు తెరిస్తే అబ‌ద్దాలేన‌ని, మాట్లాడేదంతా మోస‌మేన‌ని ఆయ‌న విమ‌ర్శించారు. ప‌బ్లిసిటీ కోసం చంద్రబాబు ఎంత‌కైనా దిగ‌జార‌తాడ‌ని, ప‌బ్లిసిటీ వ‌స్తుందంటే ఆత్మహ‌త్య చేసుకున్నరైతుల‌కు ఐదుల‌క్షల ప‌రిహారం ఇస్తానంటాడ‌ని లేదంటే అస‌లు ఆత్మహ‌త్యలే జ‌ర‌గ‌లేద‌ని అంటాడ‌ని ఎద్దేవా చేశారు. ప్రచారం కోసం చంద్రబాబు ఎంత‌కైనా దిగ‌జార‌తాడ‌ని జ‌గ‌న్ విమ‌ర్శించారు. చివ‌ర‌కు ప్రచారం కోసం ఎంత‌లా దిగ‌జారాడంటే.. పుష్కరాలు గొప్పగా చేశార‌ని చెప్పుకునేందుకు షార్ట్‌ఫిల్మ్ తీసి 29 మందిని పొట్టన‌పెట్టుకున్నార‌ని అన్నారు.

Also Read: జగన్ శవ రాజకీయాలు చేస్తున్నారు..

రైతులు, డ్వాక్రా అక్కచెల్లెమ్మల రుణాలు పూర్తిగా మాఫీ చేస్తాన‌ని ఎన్నిక‌ల ముందు చెప్పిన చంద్రబాబు ఆ త‌ర్వాత రైతుల‌ను, మ‌హిళ‌ల‌ను మోసం చేశార‌ని జ‌గ‌న్ విమ‌ర్శించారు. చంద్రబాబు చెప్పిన అబద్దాలు, చేసిన మోసాల వ‌ల్లే రైతులు ఆత్మహ‌త్యలు చేసుకుంటున్నార‌ని అసెంబ్లీలో తాము గ‌ట్టిగా వాదించామ‌ని, కానీ చంద్రబాబు త‌మ‌ను అవ‌హేళ‌న చేశార‌న్నారు. “రాష్ట్రంలో రైతులంతా సుఖ‌సంతోషాల‌తో ఉన్నార‌ని, త‌న‌కు శాలువాలు క‌ప్పుతున్నార‌ని ఆయ‌న చెప్పుకున్నారు. కానీ జ‌రుగుతున్నదేమిటి? బాబు చెప్పిన మాట‌లు న‌మ్మి రైతులు రుణాలు చెల్లించ‌లేదు. అందుకే ఇవాళ రైతుల‌కు రుణాలు రెన్యువ‌ల్ కాలేదు. కొత్త రుణాలు రావ‌డం లేదు. ఇన్సూరెన్స్ కూడా కోల్పోయారు.” అన్నారు. “రుణ‌మాఫీ చేస్తాన‌ని రైతుల‌ను, డ్వాక్రా మ‌హిళ‌ల‌ను మోసం చేసిన‌ట్లే ఇంటికో ఉద్యోగం ఇస్తాన‌ని నిరుద్యోగుల‌ను మోసం చేశాడు. ఉద్యోగం వ‌చ్చేవ‌ర‌కు నిరుద్యోగ భృతి ఇస్తాన‌న్నాడు. కానీ వారినీ మోస‌పుచ్చాడు. త‌మ‌ను మోసం చేసిన చంద్రబాబును రాళ్లతో కొడ‌తామ‌ని చెప్పాలి” అని పిలుపునిచ్చారు.

Also Read: జగన్.. సెంటిమెంట్ మీద ఆయింట్ మెంట్ బాగానే పూస్తున్నాడు..!