నైజీరియాలో పదేళ్ల చిన్నారి ఆత్మాహుతి దాడి, 9మంది మృతి

Posted: 05/17/2015 02:32 PM IST

నైజీరియాలో దారుణం జరిగింది. నైజీరియాలోని ఉత్తర ప్రాంతంలో గల యోమ్ రాష్ట్ర రాజధాని మతతురులో 10 ఏళ్ల వయస్సున్న చిన్నారి జరిపిన ఆత్మాహుతి దాడిలో తొమ్మిది మంది మరణించారు. మరో 27 మంది తీవ్రంగా గాయపడ్డారు. దమతురులో ఆదివారం ఈ ఘటన చోటు చేసుకుంది. క్షతగాత్రులు నగరంలోని వివిధ ఆసుపత్రుల్లో చికిత్స పొందుతున్నారు. క్షతగాత్రుల్లో ఏడుగురు తీవ్రంగా గాయపడ్డారని... వారి పరిస్థితి విషమంగా ఉందని వైద్యులు వెల్లడించారు. దీంతో మృతుల సంఖ్య మరింతగా పెరిగే అవకాశాలున్నాయి.

అయితే ఈ ఆత్మాహుతి దాడిని ప్రభుత్వం తీవ్రంగా ఖండించింది. క్షతగాత్రులకు వైద్య ఖర్చులను భరిస్తామని ప్రభుత్వం ప్రకటించింది. ఈ దాడి జరిగిన ప్రాంతంలో సహయక చర్యలు కొనసాగుతున్నాయని ప్రభుత్వ ఉన్నతాధికారులు వెల్లడించారు. జన సమర్థం అధికంగా ఉండే బస్టాండ్ లోకి ప్రవేశించిన చిన్నారి తనను తాను పేల్చుకుందని ప్రత్యక్ష సాక్షులు తెలిపారు.

జి. మనోహర్