ITEMVIDEOS: మధ్యప్రదేశ్ లో గ్యాంగ్ వార్.. యువకుడి కాల్చివేత.. సిసిటీవీకి చిక్కిన ఘటన

Posted: 05/13/2015 09:08 PM IST

మధ్యప్రదేశ్లోని బింద్ ప్రాంతంలో దారుణం చోటుచేసుకుంది. రెండు గ్యాంగుల మధ్య చోటుచేసుకున్న ఘర్షణల్లో ఓ గ్యాంగ్ కు చెందిన ముగ్గురు సభ్యలు మరో గ్యాంగ్ కు చెందిన వ్యక్తిని  కాల్చి చంపారు. మధ్యప్రదేశ్ లోని భిండ్ జిల్లా ప్రభుత్వ ఆస్పత్రిలో ఈ ఘటన చోటుచేసుకుంది. ఈ ఘటన అక్కడి సిసీటీవీ ఫూటేజీల్లో రికార్డు అవ్వడం.. వాటినీ మీడియా సేకరించడంతో వ్యక్తి దారుణ హత్య సంచలనంగా మారింది. కాల్చిన వ్యక్తి నిక్కరు, బనీను ధరించి బక్క పలచగా ఉండగా.. కాల్పులకు గురైన వ్యక్తి టీషర్టు, జీన్సు ప్యాంటు ధరించి కాస్త బొద్దుగా ఉన్నాడు. నిరాయుధుడైన వ్యక్తి సాయుధుడైన వ్యక్తి నుంచి తప్పించుకునే క్రమంలో భిండ్ ప్రభుత్వాసుప్రతిలోకి వచ్చాడు. కాగా అద్దాల తలుపుల వెనక్కి వెళ్లి దాక్కున్నాడు. సాయుదుభై వ్యక్తిని నిలువరించేందుకు వీలుగా అద్దాల తులుపులను మూసివేశాడు.

దీంతో కోపోద్రిక్తుడైన సాయుధుడు అద్దంలోంచి అతని గుండెల మీద కాల్చాడు.దాంతో జీన్సు ప్యాంటు వ్యక్తి అక్కడికక్కడే రక్తపు మడుగులో కుప్పకూలిపోయాడు. ముందు వెనక్కి వెళ్లిపోయిన ఆగంతకుడు.. అనుమానంతో మళ్లీ వచ్చి, మరోసారి తలుపులు తెరిచి, వీపు మీద మరో రౌండు తుపాకితో కాల్చాడు. అతడు చనిపోయిన విషయాన్ని నిర్ధారించుకున్న తరువాత గాని అక్కడి నుంచి వెళ్లిపోలేదు. అయితే సీసీటీవీ ఫూటేజీని పరిశీలించిన పోలీసులు క్షతగాత్రడైన ఓ నిందితుడిని అదుపులోకి తీసుకుని గ్వాలియర్ ఆస్పత్రిలో చేర్చించి చికిత్స అందిస్తున్నారు. కాగా మరో ఇద్దరు నిందితులు పరారీలో వున్నారని, పోలీసులు తెలిపారు. కేసు నమోదు చేసుకున్న పోలీసులు దర్యాప్తు చేపట్టారు. నిందితుల కోసం ప్రత్యేక టీమ్ లను ఏర్పాటు చేసినట్లు తెలిపారు.

జి. మనోహర్