మా ‘రాజు’ గెలుపుకన్నా.. సుధ అపజయం బాధ కలిగించింది

Posted: 04/18/2015 03:23 PM IST

మూవీ అర్టిస్ట్స్ అసోసియేషన్ అధ్యక్ష ఎన్నికలలో నటకిరీటీ రాజేంద్రప్రసాద్ గెలుపు కన్నా సహజ నటి జయసుధ ఓటమి తనకు బాధ కలిగించిందని ప్రముఖ నటి మంచు లక్ష్మీ అన్నారు. మా అధ్యక్ష ఎన్నికల్లో తొలిసారిగా మహిళ పోటీ చేస్తుందన్న కారణంగా ఆమెకు మద్దతు ఇచ్చినట్లు చెప్పారు. మా ఉపాధ్యక్షురాలిగా ఏకగ్రీవంగా ఎన్నిక కావడం సంతోషంగా ఉందని మంచు లక్ష్మీ సంతోషం వ్యక్తం చేశారు. నూతన అధ్యక్షుడు రాజేంద్రప్రసాద్ నేతృత్వంలో తాను పేద కళాకారుల అభ్యన్నతికి, సంక్షేమానికి పాటు పడతానని చెప్పారు.

సినీ కార్మికుల సంక్షేమానికి శక్తివంచన లేకుండా కృషి చేస్తానని మంచు లక్ష్మీ ఈ సందర్భంగా స్పష్టం చేశారు. పేద కళాకారులకు పెన్షన్ కల్పించాలన్న ఉద్దేశ్యం మంచిదని, దానిని కొనసాగిస్తమాన్న రాజేంద్రప్రసాద్ కు తమ మద్దతు కూడా వుంటుందని చెప్పారు. మార్చి 29న జరిగిన  మా అధ్యక్ష ఎన్నికల కౌంటింగ్ కు న్యాయస్థానం గ్రీన్ సిగ్నల్ ఇవ్వడంతో..  నిన్న జరిగిన ఓట్ల లెక్కింపులో జయసుధపై రాజేంద్ర ప్రసాద్ 85 ఓట్లతో మోజరిటీతో ఘన విజయం సాధించగా... మా ఉపాధ్యక్షులుగా ప్రముఖ నటుడు శివకృష్ణ, మంచు లక్ష్మీ ఏకగ్రీవంగా ఎన్నికైయ్యారు.

జి. మనోహర్