రాజేంద్రుడి గెలుపుపై ‘ప్రేమ తపస్వి’ హర్షం..

Posted: 04/17/2015 07:50 PM IST

ఎన్నికల నోటిపికేష్ వెలువడిన తేదీ నుంచి ఆధ్యంతం నువ్వా నేనా అన్నట్లు సాగిన మూవీ ఆర్టిస్ట్స్ అసోసియేషన్ అధ్యక్షుడిగా నట కిరీటి రాజేంద్ర ప్రసాద్ ఎన్నికై నందుకు ప్రముఖ నటి, వైఎస్ఆర్ సీపీ ఎమ్మెల్యే రోజా హర్షం వ్యక్తం చేశారు. ఈ ఎన్నికల ఫలితాలు తెలుగు చిత్రపరిశ్రమలోని కొందరు పెద్దలకు గుణపాఠమని రోజా అన్నారు. పేదకళాకారుడు తిరగబడితే ఎలా ఉంటుందో చెప్పడానికి ఈ ఫలితాలు నిదర్శనమని వ్యాఖ్యానించారు. డబ్బున్న వారి మాటే చెలామణి అవుతుందని గర్వించవారికి తగిన శాస్తి జరిగిందని చెప్పారు.

గతంలో కొందరు గౌరవం కోసం 'మా'  అధ్యక్ష పదవి వాడుకున్నారని రోజా విమర్శించారు. వారు కళాకారులకు ఏమీ చేయలేదని అన్నారు. మా అధ్యక్షుడిగా రాజేంద్ర ప్రసాద్ ఎన్నికకావడం సంతోషంగా ఉందని, ఆయన కళాకారులకు ఇచ్చిన హామీలను నెరవేరుస్తారని రోజా విశ్వాసం వ్యక్తం చేశారు. మార్చి 29న జరిగిన ఎన్నికల అనంతరం తాను తనకు తొలి చిత్రంలో నటించేందుకు అవకాశమిచ్చిన వ్యక్తికే ఓటు వేశానని రోజా అదే రోజున ప్రకటించారు.

 జి. మనోహర్