ఫ్యాబ్ ఇండియా ఉన్నతాధికారులకు పోలీసుల సమన్లు..

Posted: 04/07/2015 10:09 AM IST

Goa police summons fabindia bosses in smriti irani case

కేంద్ర మానవ వనరుల శాఖా మంత్రి స్మృతి ఇరానీ కనిపెట్టిన రహస్య కెమెరా కేసులో గోవా పోలీసులు ఫ్యాబ్ ఇండియా అత్యున్నత స్థాయి అధికారులకు సమన్లు జారీ చేశారు. ఈ నెల 3న గుడ్ ఫ్రైడే రోజున సెలవుపై భర్తతో కలసి గోవాలోని కండోలిమ్ ప్రాంతంలో గల ఫ్యాబ్ ఇండియా షాపింగ్ మాల్ లోకి వెళ్లిన కేంద్ర మంత్రి స్మృతి ఇరాని.. రహస్య కెమెరాను కనిపెట్టి.. దానిపై పోలీసులకు పిర్యాదు చేసిన కేనును పార్టీ నేతలే కావాలని చల్లార్చారన్న విమర్శలపై గోవా రాష్ట్ర ప్రభుత్వం, పోలీసులు కేసు దర్యాప్తులో వేగాన్ని పెంచారు.

ఈ కేసుకు సంబంధించి ఫాబ్ ఇండియా చీఫ్ ఎగ్జిక్యూటివ్ అధికారి సుబ్రతా దత్తా, మేనేజింగ్ డైరెక్టర్ విలియమ్ బిసెల్లీలకు సమన్లు జారీ చేశారు. ఈ కేసు దర్యాప్తుకు సంబంధించి వారు అందుబాటులో వుండాలని పేర్కోంటూ పోలీసులు అతున్నత స్థాయి అధికారులకు సమన్లు జారీ చేశారు. కేంద్ర మంత్రితో పాటు ఈ చేనేత వస్త్రాలయంలో ఇలాంటి ఘటనలే ఎదుర్కోన పలువురు బాధితులను కూడా పోలీసులు పిలచి వారి వాంగ్మూలాన్ని తీసుకుంటున్నారు. అయితే ఈ కేసులో నిందితులుగా అరెస్టయిన నలుగురు ఉద్యోగులకు స్థానిక న్యాయస్థానం మరుసటి రోజున బెయిల్ ఇచ్చిన విషయం తెలిసిందే. వీరితో పాటు మరో ఐదుగురు ఉధ్యోగులను కూడా పోలీసులు ప్రశ్నించనున్నారు.

ఇదిలావుండగా, గోవా ముఖ్యమంత్రి లక్ష్మీకాంత్ పర్సేకర్.. ఈ కేసుకు సంబంధించి పలు ఆసక్తి కరమైన వ్యాఖ్యాలు చేశారు. ట్రయల్ రూంలో రహస్య కెమెరాల వ్యవహారంలో ఫ్యాబ్ ఇండియా సంస్థకు అనుకూలంగా మాట్లాడారు. ఇందులో ఆ సంస్థ తప్పేమీ లేదన్నారు. దేశంలోని ప్రఖ్యాత బొటిక్లలో ఫ్యాబ్ ఇండియా ఒకటని, ఉద్యోగి దుర్మార్గుడైనంత మాత్రాన సంస్థ మొత్తాన్ని నిందించాల్సిన అవసరం లేదని వ్యాఖ్యానించారు. 'సాక్షాత్తు కేంద్ర మంత్రి ఫిర్యాదు చేయడంతో ఈ కేసుకు ప్రాధాన్యం లభించింది. ఇలాంటివి మరోసారి జరగకుండా జాగ్రత్తలు తీసుకుంటాం. గోవాలో మహిళలకు పూర్తి రక్షణ ఉంది. అని పర్సేకర్ అన్నారు.

జి.మనోహర్