సిగరెట్ తాగితే క్యాన్సర్ రాదట.. గళం విప్పిన మరో బీజేపి ఎంపీ

Posted: 04/03/2015 08:54 PM IST

Another mp from bjp broke controversary remarks on tobacco

పోగాకు ఉత్పత్తుల ద్వారా క్యాన్సెర్ రాదని.. కేంద్రంలోని తమ ప్రభుత్వానికి వ్యతిరేకంగా మరో బీజేపి ఎంపీ తన గళాన్ని వినిపించారు. ఇప్పటికే దిలిప్ గాంధీ, ఆ తరువాత శ్యామ్ చరణ్ గుప్తాల వ్యాఖ్యాలను సమర్థిస్తూ.. బీజేపీ అస్సాం లోక్ సభ సభ్యుడు రామ్ ప్రసాద్ శర్మ మద్దత్తు పలికారు. ధూమపానం క్యాన్సర్‌కు కారణం కాదంటూ ఆయన తన నిర్ణయాన్ని నిర్బయంగా వెలిబుచ్చారు. పోగా ఉత్పత్తుల కారణంగా కాన్సర్ వస్తుందన్న వార్తల నేపథ్యంలో ఆ ఉత్పత్తులపై హెచ్చరికల బోమ్మలను రెట్టింపు స్థాయిలో ముద్రించాలన్న కేంద్రం ప్రభుత్వం నిర్ణయాన్ని వారు తప్పుబడుతున్నారు.

రామ్ ప్రసాద్ శర్మ తన ఇద్దరి సహచర ఎంపీ కంటే మరో అడుగు మందుకేసీ.. సారీ ముందుకేసీ.. మరీ... ప్రతిరోజు ఓ బాటిల్ మద్యం, 60 సిగరెట్లు తాగే ఇద్దరు వ్యక్తులు తనకు తెలుసునని... వారిలో ఒకరు 86 సంవత్సరాలకు చనిపోయారు. మరొకరు ఇప్పటికీ బతికే ఉన్నారని పేర్కోన్నారు. కాబట్టి పొగ తాగడం వల్ల కేనర్స్ వస్తుందనే వారు దీన్ని గమనించాలని రామ్ ప్రసాద్ శర్మ చెప్పారు.

ఈ క్రమంలో ధూమపానం కేన్సర్‌కు కారణమవుతుందని నమ్మేవారు తనుచెప్పే మాటలను పరిగణలోకి తీసుకోవాలని తాజగా తెరపైకి వచ్చిన రామ్ ప్రసాద్ శర్మ అంటున్నారు. ఈ ముగ్గురు కూడా పొగకు ఉత్పత్తుల వాడకాన్ని తగ్గించేందుకు తీసుకురానున్న కొత్త విధానాన్ని సమీక్షించేందుకు ఏర్పాటుచేసిన కమిటీలో సభ్యులు కావడం గమనార్హం. వీరే ఇలాంటి వ్యాఖ్యాలు చేస్తుంటే... ఇక పోగాకు ఉత్పత్తులు వాడకాన్ని కేంద్రం ఎలా తగ్గిస్తుందో వేచి చూడాలి మరి.

జి. మనోహర్