క్షమాపణలు చెప్పను.. వ్యాఖ్యలను సమర్థించుకున్న శరద్ యాదవ్

Posted: 03/13/2015 09:32 PM IST

దక్షిణ భారత మహిళలపై జనతాదళ్ యు అధ్యక్షుడు శరద్ యాదవ్ చేసిన వివాదాస్పద వ్యాఖ్యాలపై ఆయన క్షమాపణలు చెప్పేందుకు నిరాకరించారు. దక్షిణ భారత దేశం మహిళలు నల్లగా వుంటారని, అయినా వారు అందంగా వుంటారని ఆయన వర్ణ విభేదాలకు తెరతీశారు. అంతేకాదు. దక్షిణ భారతం మహిళలు చక్కగా డాన్స్ చేయగలరని ఆయన వివాదాస్పద వ్యాఖ్యలను చేశారు. దీనిపై కాంగ్రెస్, బీజేపి లు మండిపడ్డాయి. తక్షణం శరద్ యాదవ్ మహిళా లోకానికి క్షమాఫణలు చెప్పాలని డిమాండ్ చేశాయి.

ఈ నేపథ్యంలో స్పందించిన ఆయన తాను ఎట్టి పరిస్థితుల్లో క్షమాఫణలు చెప్పబోనని చెప్పారు. తాను దక్షిణ భారత మహిళలను కించపర్చేలా మాట్లాడలేదని, కావాలంటే తన వ్యాఖ్యాల వెనుక వున్న సదుద్దేశాన్ని వారికి చెబుతానని అన్నారు. తానెం తప్పు చేయలేదని, తప్పడు వ్యాఖ్యలు అంతకన్నా చేయలేదని తనను తాను సమర్థించుకునే ప్రయత్నం చేశారు. తన వ్యాఖ్యలను వ్యతిరేకించాల్సిన అవసరం ఎవరికీ లేదన్నారు. తాను దేశవ్యాప్తంగా ఎప్పడు మహిళలను కించపర్చేలా వ్యాఖ్యాలు చేయలేదని శరద్ యాదవ్ చెప్పారు.

జి. మనోహర్