దేశానికి కాబోయే కాంగ్రెస్ ప్రధాని అంటూ ఎన్నికలకు ముందు రాహుల్ ను ఆకాశానికెత్తిన కాంగ్రెస్ నేతలు ఎన్నికల ఫలితాల తర్వాత షాక్ తిన్నారు. ఎన్నికల్లో రాహుల్ గాంధీ ఎక్కడ ప్రచారం చేసినా అక్కడ పెద్దగా ఓట్లు రాలలేదు. ముఖ్యంగా మోదీ మానియాను అడ్డుకోవడంలో పూర్తిగా విఫలమయ్యారు రాహుల్. అయితే తాజాగా అత్యంత కీలకమైన బడ్జెట్ సమావేశాల్లో పాల్గొనాల్సిన రాహుల్ సెలవు పెట్టడం అందరికి ఆశ్చర్యం కలిగించింది.
పార్లమెంట్ లో తమ పార్టీ సభ్యులకు నాయకత్వం వహించవలసిన రాహుల్ కనబడకుండాపోయారు. గతంలో ప్రభుత్వాన్ని ఏర్పాటు చేసిన పార్టీ, భవిష్యత్తు మీద ఎంతో ఆశలు ున్కన కాంగ్రెస్ పార్టీకి దిశానిర్దేశం చేయాల్సిన రాహుల్ కీలకమైన పార్లమెంట్ బడ్జెట్ సమావేశాలకు డుమ్మా కొట్టడం హాట్ టాపిక్ గా మారింది. అయితే రాహుల్ అలా చెయ్యాల్సిన అవసరం ఏంటి, సెలవు పెట్టి ఏం చెయ్యబోతున్నారని మీడియాలో రకరకాల ఊహాగానాలు వస్తున్నాయి. అయితే తాజాగా వచ్చిన కొన్ని ఫోటోలు రాహుల్ గాంధీ ఉత్తరాఖండ్ లో ఉన్నట్లు తెలుపుతున్నాయి. కాంగ్రెస్ పార్టీ కార్యకర్త జగదీశ్ శర్మ రాహుల్ గాంధీ ఫోటోలను విడుదల చేశారు. రాహుల్ దేశం గురించి విపరీతంగా ఆలోచిస్తున్నారని, కాంగ్రెస్ పార్టీని మరింత బలోపేతం చెయ్యడానికి మేధోమదనం చేస్తున్నారన్నారు. త్వరలో జరగనున్న బెంగళూరు సమావేశంలో కాంగ్రెస్ పార్టీ కొన్ని కీలక నిర్ణయాలను తీసుకోబోతోందని, ఆ నిర్ణయాల్లో తన ముద్ర ఉండేలా రాహుల్ జాగ్రత్తలు తీసుకుంటున్నారని శర్మ వివరించారు.
అయితే ఈ ఫోటోలపై కూడా కాంగ్రెస్ మండిపడుతోంది. అసలు అవి ఇప్పటి ఫోటోలు కాదని, 2008 లో రాహుల్ దిగిన ఫోటోలని కాంగ్రెస్ నాయకులు చెబుతున్నారు. కొందరు మాత్రం రాహుల్ గాంధీ విదేశాల్లో సేద తీరుతున్నారని అనుకుంటున్నారు. మొత్తానికి భవిష్యత్తులో కాంగ్రెస్ పార్టీని ముందుండి నడపాల్సిన నాయకుడు ఇలా సెలవంటూ వెల్లిపోవడం ఏంటని కాంగ్రెస్ నాయకులు కూడా అనుకుంటున్నారు. అధికారపక్షాన్ని ఇరకాటంలో పెట్టాల్సింది పోయి, ఇలా ఎవరికీ కనిపించకుండా తిరగడం ఏంటి అని రాహుల్ అభిమానులు కూడా అనుకుంటున్నారు. రాహుల్ గాంధీ సెలవుపై అంతర్జాతీయ మీడియాలోనూ వార్తలు ప్రసారమవుతున్నాయి. బిబిసి ఛానల్ రాహుల్ గురించి, జాతీయ మీడియా ప్రసారం చేసిన, ప్రచురించిన కథనాలను వాడుకుంది. కాలం అన్ని గాయాలకు మందేస్తుందన్న విషయాన్ని బహుశా రాహుల్ మరిచిపోయారేమో.
- అభినవచారి
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more