రోడ్డు ప్రమాదంలో నిర్మాత దుర్మరణం

Posted: 02/21/2015 10:10 PM IST

సినీ కళామతల్లి ముద్దుబిడ్డ, మూవీ మొఘల్ రామానాయుడు మరణవార్తతో విషాదసాగంలోని మునిగిన టాలీవుడ్ కు మరో చేదు వార్త, నిర్మణ దిగ్గజం మరణంతో దు:ఖసాగంలో మునిగిన టాలీవుడ్.. ఎప్పుడ కోలుకుంటుందా అని ఎదురుచూస్తున్న తరుణంలో మరో నిర్మాత దుర్మరణం చెందారు. హైదరాబాద్ నగర శివారులోని శనివారం చోటు చేసుకున్న రోడ్డు ప్రమాదంలో పెళ్లి పుస్తకం(రాహుల్ హీరో) నిర్మాత నాగిరెడ్డి దుర్మరణం చెందారు.

యువ నిర్మాత, సినీ దర్శకుడు మదన్ తో కలిసి కారులో వెళుతుండగా ప్రమాదం సంభవించింది. ఈ ఘటనలో నాగిరెడ్డి మృతిచెందగా, మదన్ కు గాయాలయ్యాయి. తొలుత తీవ్ర గాయాలైన నాగిరెడ్డిని గచ్చిబౌలిలోని ఒక ప్రైవేట్ ఆస్పత్రికి తరలించారు.అయితే ఆయన అప్పటికే ప్రాణాలు కోల్పోయారని వైద్యులు తెలిపారు. ఈ విషాదవార్తతో తెలుగు చిత్రసీమకు ఏమో అయ్యిందన్న ఆందోళన చెందుతున్న వారి సంఖ్య పెరిగింది.

జి మనోహర్