వవ వధువుపై కామాంధుల గ్యాంగ్ రేప్..

Posted: 01/20/2015 10:40 PM IST

Seven men gang rape newly wed 18 year old in shinor

గుజరాత్‌లో ఓ నవవధువుపై అత్యంత దారుణమైన సంఘటన చోటు చేసుకుంది. ఏడుగురు మగమృగాళ్లు 18 ఏళ్ల నవ వదువుపై నీచంగా విరుచుకుపడి, సామూహిక అత్యాచారానికి పాల్పడ్డారు. గుజరాత్ రాష్ట్రంలోని వడోదర జిల్లా షినోర్ తాలూకా భీతాలీ గ్రామంలో ఈ సంఘటన చోటు చేసుకుంది. వివరాల్లోకి వెళ్తే.. నవ వదువు యు, ఆమె కుటుంబ సభ్యులు నివసిస్తున్న ఇంట్లోకి దుండగులు చొరబడి, ఆమెను పొలాల్లోకి లాక్కెళ్లి ఆమెపై అత్యాచారానికి పాల్పడ్డారు. ఉపాధి కోసం వలసవచ్చిన అమెపై కామాంధులు కన్నువేసి.. సామూహిక అత్యాచారానికి తెగబడ్డారు. తన అత్తామామాలు, భర్తతో పాటుగా ఇటీవలే వడోదర జిల్లాో షినోర్ తాలుకాలోని భీతాలి గ్రామానికి వచ్చింది. ఆ కుటుంబానికి గ్రామానికి చెందిన భూ యజమాని కూలీలుగా పని ఇచ్చాడు. నిందితులు యువతిని పొలాల్లోని నిర్మానుష్యమైన ప్రదేశానికి ఎత్తుకెళ్లారు.

తన భార్యను ఎత్తుకుపోయిన వెంటనే ఆమె భర్త పొలాల యజమాని వద్దకు పరుగెత్తాడు. అతను వెంటనే పోలీసులకు సమాచారం అందించాడు. నిందితులు తమ ముఖాలకు ముసుగు కప్పుకుని, చంపేస్తామని బెదిరించి యువతిని ఎత్తుకెళ్లి సామూహిక అత్యాచారానికి పాల్పడినట్లు పోలీసులు తెలిపారు. బాధితురాలి కుటుంబ సభ్యులు ఛటో ఉదేపూర్‌లోని నాస్వాడి తాలూకా నిషానా గ్రామానికి చెందినవారు. ఈ సంఘటన కుటుంబ సభ్యులు దిగ్భ్రాంతికి గురయ్యారు. యువతికి ఎస్ఎస్‌జి ఆస్పత్రిలో వైద్య చికిత్స జరుగుతోంది.

నిందితులందరూ పాతికేళ్ల నుంచి ముఫై ఏళ్ల లోపు వయస్కులేనని బాధితురాలు పోలీసులకు తెలిపింది. కాగా గత ఐదు రోజుల్లో గుజరాత్‌లో ఇటువంటి సంఘటనల్లో ఇది రెండోది. ఈ నెల 14వ తేదీన నలుగురు వ్యక్తులు మహిసాగర్ జిల్లాలోని ఓ గ్రామంలో ఓ బాలికపై అత్యాచారం చేసి ఆమెను చంపేశారు. ఆమెను గొంతు నులిమి చంపేసి చెట్టుకు వేలాడదీశారు.

జి.మనోహర్