జర్మనీ పత్రికా కార్యాలయంపై ఆగంతకుల దాడి

Posted: 01/11/2015 06:30 PM IST

పారిస్ వ్యంగ్య మేగజీన్ చార్లీ హెబ్డోపై దాడి మరవక ముందే జర్మనీలోని మరో పత్రిక కార్యాలయంపై అగంతకులు దాడులకు పాల్పడ్డారు. హంబర్గ్ నగరంలోని హంబర్గర్ మోర్గాన్ పోస్ట్ పత్రిక ప్రధాన కార్యాలయంపై రాళ్లు రువ్వారు. ఆ తరువాత మండే పదార్థాలతో దుండగులు దాడికి పాల్పడినట్టు స్థానిక మీడియా పేర్కొంది. స్థానిక కాలమానం ప్రకారం ఆదివారం తెల్లవారుజామున 2 గంటల ప్రాంతంలో ఈ ఘటన చోటు చేసుకుంది.

సెటైర్ పత్రికగా ప్రముఖ్యత పొందిన చార్లీ హెబ్డో లో ప్రచురితమైన కార్టూన్లను జర్మనీ పత్రిక హంబర్గర్ మెర్గాన్ పోస్ట్ పత్రిక తన పత్రికలో మరోమారు ప్రచురించేది. ఈ నేపథ్యంలో ఇద్దరు అగంతకులు పత్రిక ప్రధాన కార్యాలయంపై దాడికి పాల్పడినట్లు సమాచారం. దాడిలో కొన్ని పత్రాలు ధ్వంసమయ్యాయి. ఎవరూ గాయపడలేదని పోలీసులు తెలిపారు. ఇద్దరు అనుమానితులను పోలీసులు అదుపులోకి తీసుకున్నారు.

జి.మనోహర్