సాయి కుమార్ కు పితృవియోగం. అంత్యక్రియలు పూర్తి

Posted: 12/14/2014 03:41 PM IST

డైలాగ్ కింగ్, హీరో సాయికుమార్ కు పితృవిమోగం కలిగింది. సాయికుమార్ తండ్రి పీజే శర్మ ఆదివారం కన్నుమూశారు. పిజే శర్మకు అకస్మాత్తుగా గుండెపోటు రావడంతో ఆయన కన్నుమూశారు. శనివారం జరిగిన తన మనవడు, సాయికుమార్ కుమారుడు, యువ హీరో ఆది వివాహ వేడుకల్లో పీజే శర్మ ఎంతో ఉత్సాహంగా పాల్గొన్నారు. పెళ్లి వేడుకలు ముగిసిన మరుసటి రోజునే ఆయన పరమపదించారు. మణికొండలోని ఆయన నివాసంలో పీజే శర్మకు తీవ్రమైన గుండె పోటు గురై మరణించారు. ఎర్రగడ్డలోని శ్మశాన వాటికలో పీజే శర్మ అంత్యక్రియలు నిర్వహించారు. హిందూ ధర్మతండ్రి మరణించడంతో సాయికుమార్ ఇంట్లో విషాద వాతావరణం అలుముకుంది. పీ.జే శర్మ మృతిపట్ల మూవీ ఆర్టిస్ట్ అసోసియేషన్ సానుభూతి తెలిపింది.

పీజే శర్మ అసలు పేరు పూడిపెద్ది జోగీశ్వర శర్మ. 1933, మే 24 వ తేదీన విజయనగరం జిల్లా కళ్లేపల్లి గ్రామంలో ఆయన జన్మించారు. నాటకాలపై మక్కువతో నాటకాలలో నటిస్తుండగా ...1954లో మొదటి సారిగా అన్నదాత చిత్రంలో చిన్న పాత్రలో నటించే అవకాశం వచ్చింది. అలాగే 1957లో ఉత్తమ ఇల్లాలు చిత్రంలోని పాత్రకు డబ్బింగ్ చెప్పారు. ఆ తర్వాత వందలాది డబ్బింగ్ సినిమాలలో నంబియార్, శ్రీరామ్, శివాజీ గణేశన్, జెమినీ గణేశన్, రాజ్ కుమార్, ఉదయ్ కుమార్, ప్రేమనజీర్ నటించిన చిత్రాలలో వారి పాత్రలకు పీజే శర్మ డబ్బింగ్ చెప్పారు. దాదాపు 150 చిత్రాలలో పీజే శర్మ నటించారు. అలాగే 500 సినిమాల వరకు ఆయన డబ్బింగ్ చెప్పారు. 1966లో నటి కృష్ణజ్యోతిని పీజే శర్శ వివాహం చేసుకున్నారు. వీరికి ముగ్గురు కుమారులు, ఇద్దరు కుమార్తెలు.  పెద్ద కుమారుడు సాయికుమార్, రవి శంకర్, అయ్యప్ప పీ శర్మ, కుమార్తెలు కమల, ప్రియ. సాయిలున్నారు. బందుమిత్రులందరూ పెళ్లి కోసం వచ్చిన తరుణంలో కుటుంబపెద్ద మరణించడంతో ఆ ఇంట్లో విషాదఛాయలు అలుముకున్నాయి. దీంతో అంత్యక్రియలను కూడా త్వరితగతిన చేపట్టి ముగించారు.

జి మనోహర్