సిఎం కేసిఆర్ కు ‘పవన్’ నోటీసులు?

Posted: 06/19/2014 03:53 PM IST

Anantapuram court summons cm kcr over remarks on pawan kalyan

తెలంగాణ ముఖ్యమంత్రి కల్వకుంట్ల చంద్రశేఖరరావు కు ఈ రోజు సీమాంద్ర లోని అనంతపురం జిల్లా కోర్టు నుండి నోటీసులు వచ్చాయి. తెలంగాణ రాష్ట్రానికి తొలి ముఖ్యమంత్రి అయిన కేసిఆర్ .. తెలంగాణ అభివృద్ది దృష్టి పెట్టి, చాలా బిజీగా ఉన్నారు.

అయితే ఎన్నికల సమయంలో రాజకీయ నేతలు ..ఒక్కరి పైఒకరు విమర్శలు చేసుకోవటం సహజంగా జరుగుతుంది. కానీ మొన్న జరిగిన ఎన్నికల్లో మాత్రం రాజకీయ నాయకులు మరి శృతిమించి నోటి దూల తీర్చుకున్నారు. రాజకీయ భాషను వదిలి. తిట్ల పురణాం చదువుకున్నారు. తెలంగాణ గడ్డపై.. తెలివిగా, అందరికి నచ్చే విధంగా తన రాజకీయ ప్రత్యర్థిపై తిట్లు తిట్టడం సీఎం కేసిఆర్ వెన్నతో పెట్టిన విద్య. ఎంతైన..ఆయన సాహిత్యంలో చాలా ప్రావీణ్యం సంపాదించిన నేత ఒక్క కేసిఆరే అని రాజకీయ మేథావులు చెబుతున్నారు.

అయితే అలాంటి రాజకీయ మేథావికే.. అప్పడప్పుడు కొన్ని కష్టాలు వస్తాయి. ‘‘వసుదేవుడు అంతటి వాడే.. గాడిత కాళ్లు పట్టుకున్నట్లు చరిత్ర చెబుతుంది’’, అలాంటిది కేసిఆర్ కు కోర్టు నోటీసులు చాలా సహజమే అని ..ఆయన అభిమానులు అంటున్నారు. ఇప్పుడు సినీ నటుడు, జనసేన పార్టీ అధినేత పవర్ పవన్ కళ్యాణ్ , కేసిఆర్ల మద్య .. చిన్న పాటి మాటల రాజకీయ యుద్దం నడిచిన విషయం తెలిసిందే. అదీ కూడా ఎన్నికల సమయంలో జరిగింది కాబట్టి ఆ మాటల వార్ గురించి పెద్దగా పట్టించుకోలేదు గానీ, తెలుగు ప్రజలు ఎవరు ఆ విషయాన్ని మరిచిపోలేదు.

ఇప్పుడు ఆ పవర్ పుల్ మాటల పవర్ ఇప్పుడు బయట పడింది. పవన్ కల్యాణ్ పై అనుచిత వ్యాఖ్యలు చేశారంటూ తెలంగాణ ముఖ్యమంత్రి కేసీఆర్ పై అనంతపురం న్యాయస్థానంలో పిటిషన్ దాఖలైంది. మురళీ కృష్ణ అనే న్యాయవాది ఈ పిటిషన్ దాఖలు చేశారు. పిటిషన్ ను విచారణకు స్వీకరించిన న్యాయస్థానం కేసీఆర్ కు నోటీసులు జారీ చేసింది. ఈ నెల 30న కోర్టుకు హాజరు కావాలని ఆదేశించింది. ఇందుకు సంబంధించి పూర్తి వివరాలు తెలియాల్సి ఉంది. నోటీసులు అందుకున్న సీఎం కేసిఆర్ ఈనెల 30న కోర్టుకు హాజరవుతారా లేదా అన్నది చూడాలి.