ముస్లిం మిలిటెంట్ల మారణహోమం

Posted: 06/17/2014 03:45 PM IST

గత నెల రోజులుగా ముస్లిం మిలిటెంట్ల అమానుష చర్యలు చూసి ప్రపంచంలోని మీడియా అంతా అవాక్కవుతోంది.  అది ఇరాక్ లోనే కావొచ్చు, ఆఫ్ఘనిస్తాన్, కెన్యా, పాలస్తీన్ లేదా సిరియా కావొచ్చు కానీ ఆ హింసాత్మక చర్యల చిత్రాలు చూస్తే గగుర్పాటు పొడవక మానదు.

ఐఎస్ఐఎస్ ఉగ్రవాదులు ఇరాక్ లో యువకులను లారీల్లో తీసుకునివచ్చి ఎడారి ప్రాంతంలో వరసగా పడుకోబెట్టి కాల్చి చంపిన ఘటన.

ఆఫ్ఘనిస్తాన్ లో ఎన్నికలలో విఘాతం కలిగించటం కోసం చేసిన బాంబు దాడి, వోటేసిన వేళ్ళని నరికేసిన ఉగ్రవాదుల అమానుష చర్య.

 

అబూబకార్ షెకావ్ నాయకుడు బోకో హరామ్ వీడియోలో స్కూళ్ళనుంచి ఎత్తుకుపోయిన వందలాది ఆడపిల్లలను చూపించాడు.  నైజీరియాలో 200 మంది స్కూల్లో చదువుకునే విద్యార్థినుల అపహరణ జరిగింది.  వాళ్ళు మళ్లీ తిరిగి వస్తారన్న ఆశ లేదు అంటున్నారు ఆ దేశ ప్రధాన మంత్రి ఓలుసేగున్ ఒబాసన్జో.

ముగ్గురు ఇజ్రాయలీ టేనేజర్స్ ని కూడా ఉగ్రవాదులు అపహరించారు.  

ఇరాక్ ప్రధానమంత్రి నౌరి అల్ మలికి అమెరికా ప్రభుత్వం చేతిలో కీలుబొమ్మని, అందువలన అతని మీద విజయం షియాల మీదనే కాకుండా పాశ్చాత్య దేశాల మీద కూడా గెలుపేనని ఉగ్రవాదులు విశ్వసిస్తున్నారు.  

సోషల్ మీడియాలో ఫేస్ బుక్, ట్విట్టర్ ల ద్వారా ఉగ్రవాద సంస్థలు తమ ప్రతాపాన్ని ఇతర ఉగ్రవాద సంస్థలకు కూడా చూపిస్తూ ఒకరికంటే మరొకరు గొప్పని అనిపించుకునే పనిలో పడ్డారు.  

-శ్రీజ