ఒడిశా ముఖ్యమంత్రిగా నవీన్ పట్నాయక్

Posted: 05/21/2014 09:18 AM IST

నాల్గవ సారి ఒడిశాకి ముఖ్యమంత్రిగా నవీన్ పట్నాయక్ ఈరోజు ప్రమాణ స్వీకారం చెయ్యనున్నారు.  21 మందిని మంత్రులుగా నియమించిన పట్నాయక్ అందులో 10 మందిని క్యాబినెట్ ర్యాంక్ లోను 11 మంది సహాయక మంత్రిత్వ హోదాలను కట్టబెట్టారు.  వీళ్ళంతా కూడా ఈ రోజు ప్రమాణ స్వీకారం చేస్తారు.  

ఈసారి శాసనసభ ఎన్నికలలో నవీన్ పట్నాయక్ నేతృత్వంలో నడిచే బిజు జనతా దళ్ 147 శాసనసభ స్థానాలకు గాను 117 స్థానాలను గెలుచుకుని చరిత్ర సృష్టించింది.  పోయినసారి శాసనసభకు సభాపతిగా వ్యవహరించిన ప్రదీప్ అమత్ ఈ సారి మంత్రివర్గంలోకి వచ్చారు.

-శ్రీజ