అరిజోనాలో మహా గణపతి ఆలయంలో శుక్రవారం, శనివారం, ఆదివారం మే 9, 10, 11 తేదీల్లో ఆలయ విమాన ప్రతిష్టలు, దివ్య మూర్తుల ప్రాణ ప్రతిష్టాపన, మహా కుంభాభిషేకం మొదలైన ఆధ్యాత్మిక కార్యక్రమాలు జరిగాయి.
ఈ కార్యక్రమంలో శ్రీ మహా గణపతి, శ్రీ విశ్వనాధ (పరమశివ), శ్రీ వేంకటేశ్వర ఆలయాలకు మూల ఆలయ విమానం (గోపురం) ప్రతిష్ట, శ్రీ సత్యనారాయణ స్వామి, శివగాగమ సుందరీ సమేత నటరాజ స్వామి మూర్తుల ప్రాణ ప్రతిష్టాపన జరిగింది.
శుక్రవారం మే 9 న ధాన్యాధివాసం, జలాధివాసం లో ఆలయమూర్తులకు ధాన్యం, నీరు సమర్పించటం జరిగింది. దీప పూజానంతరం శయనాధివాసం- పవళింపు సేవ కోసం శయనం సమర్పించటం జరిగింది. మహాప్రసాద వితరణతో ఆ రోజు కార్యక్రమం పూర్తయింది.
శనివారం మే 10 న మూలమంత్ర హోమం చేసిన తర్వాత నేత్రోన్మీలనం- అంటే దివ్య మూర్తుల నేత్రాలను తెరవటం జరిగింది. విమాన కలశ స్థాపన తర్వాత కొత్తగా వచ్చిన దేవతా మూర్తుల విగ్రహ ప్రతిష్ట జరిగింది. సాంస్కృతిక కార్యక్రమాల అనంతరం మహా ప్రసాద వితరణ జరిగింది.
ఆదివారం మే 11 న మహా కుంభాభిషేకం జరిగింది. ఈ కార్యక్రమంలో, కొత్తగా ప్రతిష్టించిన మూర్తులకు మొదటిసారిగా అభిషేకం, అర్చన, ఆ తర్వాత అలంకారాలను నిర్వహించారు. కొత్తగా ప్రతిష్టించిన సత్యనారాయణ స్వామికి ప్రథమ పూజ చేసారు. ఆ తర్వాత శ్రీ నటరాజప్రహారోత్సవంలో నటరాజ స్వామి ఊరేగింపు జరిగింది. మహా ప్రసాద వితరణతో కార్యక్రమం సంపూర్ణమైంది.
సత్యానికి ప్రతిరూపమైన మహావిష్ణవు సత్యనారాయణ స్వామి పూజను ధర్మకామార్థ మోక్ష ప్రాప్తిని ఆశించే కుటుంబాలు చెయ్యటం వలన వారి అభీష్టాలు నెరవేరుతాయని, మహాకుంభాభిషేకం తర్వాత నిర్వహించే ప్రథమ పూజలో పాల్గొంటే ఆ ఫలితం ఎన్నోరెట్లు అధికమౌతుందని వేదాలు చెప్తున్నాయి, భక్తులు విశ్వసిస్తున్నారు కాబట్టి, ఈ కార్యక్రమంలో జరిగిన ప్రథమ సత్యనారాయణ స్వామి పూజలో 1008 భక్తులు భాగం వహించారు.
అరిజోనా మహాగణపతి ఆలయంలోని మూడురోజుల ఆధ్యాత్మిక కార్యక్రమాలు శాస్త్రీయంగాను, అత్యంత వైభవంగానూ నిర్వహించటం జరిగాయి.
అరిజోనాలో జరిగే వివిధ ఆధ్యాత్మిక, సాంస్కృతిక, సాహిత్య, వేడుకలు, కార్యక్రమాల వివరాలకు WWW.AZWishesh.com ని చూడండి.
-శ్రీజ
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more