పవన్ కి చంద్రబాబు కృతజ్ఞతలు, విందుకి ఆహ్వానం

Posted: 05/08/2014 01:08 PM IST

ఎన్నికల ప్రచారంలో పవన్ కళ్యాణ్ నిస్వార్థంగా అందించిన మద్దతుకు తెలుగుదేశం పార్టీ అధ్యక్షుడు చంద్రబాబు నాయుడు బుధవారం సాయంత్రం ఫోన్ లో కృతజ్ఞతలు తెలియజేయటమే కాకుండా అదే విషయాన్ని ప్రత్యక్షంగా చెప్పటం కోసం ఈరోజు తన నివాసంలో విందుకి కూడా ఆహ్వానించారు.  

దాదాపు సంవత్సరం నుంచి రోజురోజుకి మారుతున్న రాజకీయ పరిస్థితుల నేపథ్యంలో విసుగు, విరామం లేకుండా పార్టీని బలోపేతం చెయ్యటానికి అనేక కార్యక్రమాలలో పాల్గొన్న చంద్రబాబు నాయుడు ఐదు రోజుల పాటు కుటుంబ సమేతంగా సింగపూర్  పర్యటనకు వెళ్తున్నారు.  

ఎలాగూ అధికారం చేతికి వస్తుంది, ఇచ్చిన హామీ ప్రకారం సీమాంధ్రను సింగపూర్ చెయ్యటం కోసం ప్రస్తుతం సింగపూర్ ఎలా ఉందో మరో సారి తాజాగా చూడటం కూడా జరుగుతుందని ఛలోక్తులు వినిపిస్తున్నాయి.

-శ్రీజ