పవన్ కళ్యాణ్ జనసేన పోస్టర్ విడుదల

Posted: 03/25/2014 09:35 AM IST

పవన్ కళ్యాణ్ ఏర్పాటు చేసిన జనసేన పార్టీ తొలి సభ విశాఖపట్నంలో ఇందిరా ప్రియదర్శిని ఆడిటోరియంలో మార్చ్ 27 న సాయంత్రం నాలుగు గంటలకు జరుగనుంది.  

ఈ కార్యక్రమం కోసం ప్రత్యేకం పోస్టర్ ని సోమవారం విడుదల చేయటం జరిగింది.  

పార్టీ ఆవిర్భావం తర్వాత జరుగుతున్న మొదటి బహిరంగ సభ కావటంతో దీన్ని ఎలగైనా విజయవంతంగా జరిపించాలని పవన్ అభిమానులు శక్తివంచన లేకుండా పని చేస్తున్నారు.  రాజకీయాల మీద పవన్ కళ్యాణ్ రాసిన పుస్తకం కూడా ఈ సభలో విడుదల కానుంది.

ప్రత్యేకంగా యువతను ఆకర్షించే ఈ కార్యక్రమంలో, యూత్ ఆఫ్ ది నేషన్... ఫైట్ ఫర్ ది నేషన్ అనే నినాదాన్ని ప్రాచుర్యం చేస్తున్నారు.  

పార్టీ లక్ష్యాలు, ఎన్నికలలో విధివిధానాలతో పాటుగా భారతీయ జనతా పార్టీ ప్రధానమంత్రి అభ్యర్థి నరేంద్ర మోదీతో భేటీ అయిన తర్వాత జరిగే సభ కాబట్టి ఆ విశేషాలను కూడా ఇందులో ప్రస్తావించే అవకాశం ఉంది.  

-శ్రీజ