కమలం తీర్థం పుచ్చుకుంటన్న పురంధేశ్వరి

Posted: 03/06/2014 10:48 AM IST

సమైక్యాంధ్రప్రదేశ్ లో చివరివరకూ కాంగ్రెస్ పార్టీలో పనిచేసి రాజీనామా చేసిన కేంద్ర మంత్రి దగ్గుబాటి పురంధేశ్వరి రాజకీయ భవిష్యత్ కార్యాచరణ ఏమిటన్నది చర్చించటానికి ఈరోజు ఆమె తన నియోజకవర్గం విశాఖపట్నంలో తన నివాసంలో తనతో పాటు పనిచేసిన కార్యకర్తలు నాయకులతో చర్చిస్తున్నారు.

చర్చల ఫలితంగా భాజపాలో చేరటానికే ఆమె నిర్ణయం తీసుకున్నారని, రేపు ఢిల్లీలో భాజపాలో అగ్రనేతల సమక్షంలో

ఏ నాయకుడు కానీ నాయకురాలు కానీ రాజకీయాలలో ఒంటరిగా పోరాడలేరు.  వారికి అండదండలుగా నిలిచిన పార్టీ శ్రేణులు కూడా వారి నిర్ణయాల వలన ప్రభావితులవుతారు కాబట్టి నాయకులకు వారితో చర్చించటం తప్పనిసరి అవుతుంది.  రాజీనామాను అస్త్రంగా ఉపయోగించుకుంటే పరవాలేదు కానీ నిజంగానే రాజీనామా చేసినప్పుడు ఆ నాయకుల మీద ఆధారపడ్డ ఇతర నాయకుల రాజకీయ భవిష్యత్తు కూడా అగమ్య గోచరమౌతుంది.  

రాష్ట్ర విభజన బిల్లు పార్లమెంట్ లో ఆమోదం పొందినప్పుడు రాజీనామా చెయ్యటం ఆ పరిస్థితుల్లో తన నియోజకవర్గ ప్రజల ఆదరణ పోగొట్టుకోకుండా ఉండాలంటే వారి మనోభీష్టానికి తగ్గట్టుగా అలా చెయ్యటం తప్పనిసరి అని రాజకీయ వర్గాలు అర్థం చేసుకోగలవు.  

కానీ ప్రస్తుతం ఆమె నిర్ణయం ఏమిటన్నది ఆమె అనుచరులకు ఆసక్తికరంగా మారింది.  విశాఖపట్నం నాదే, ఇక్కడి నుండే పోటీ చేస్తానంటూ రాజ్యసభ సభ్యుడు సుబ్బరామిరెడ్డితో సవాల్ చేసిన పురంధేశ్వరి రాజీనామా చెయ్యటంతో సుబ్బరామిరెడ్డికి లైన్ క్లియరైంది కానీ పురంధేశ్వరి ట్రాక్ ఎండ్ కి వచ్చారు.  

తన తండ్రి ఎన్టీఆర్ స్థాపించిన తెలుగుదేశం పార్టీలో చంద్రబాబు నాయుడుతో ఉన్న విభేదాల వలన ఆమె కనీ ఆమె భర్త కానీ చేరలేరు.  ఇక మిగిలిన పార్టీలతో చేరతారా లేక ఏం చేస్తారన్నది ఆసక్తికరంగా మారింది.   లోగడ తెలుగుదేశంతో కలిసే ప్రస్తావన వచ్చినప్పుడు పురంధేశ్వరి, ఆమె భర్త దగ్గుబాటి వెంకటేశ్వరరావులు మీడియా ముందుకొచ్చి తాము కాంగ్రెస్ పార్టీలో సంతోషంగా ఉన్నామని, పార్టీ తమకిచ్చిన గౌరవం, హోదాలతో సంతృప్తికరంగా ఉన్నామని ప్రకటించారు.  

ప్రత్యామ్నాయంగా పురంధేశ్వరి భారతీయ జనతా పార్టీలో చేరటానికే అవకాశాలున్నాయి.  ఈ రోజు ఆమె పార్టీ అనుచరుల సమక్షంలో అందుకు నిర్ణయం తీసుకున్నారని సమాచారం.  

-శ్రీజ