కేజ్రీవాల్ మాటలు నీటి మూటలు కాదు

Posted: 12/30/2013 07:32 PM IST

దేశ రాజధాని ఢిల్లీ పీఠాన్ని అధిష్టించిన సామాన్య ముఖ్యమంత్రి కేజ్రీవాల్ ఎన్నికల్లో చేసిన వాగ్దానాలను తీర్చేందుకు మూడో రోజు నుండే నడుం బిగించాడు. శనివారం రోజున ముఖ్యమంత్రిగా ప్రమాణ స్వీకారం చేసిన కేజ్రీవాల్ అనారోగ్యంతో బాధపడుతున్నా ప్రజలకు ఇచ్చిన మాట కోసం తొలి వాగ్ధానాన్ని నెరవేర్చాడు.

తన నివాసంలో జలమండలి అధికారులతో సమావేశం అయ్యి కీలక నిర్ణయం తీసుకున్నారు. తొలి వాగ్దానమైన 700 లీటర్ల మంచినీరు సరఫరా పథకాన్ని జనవరి ఒకటో తేదీ నుంచి అమలు చేయాలని ఆదేశించారు. ఒక ఇంటికి 20 కిలో లీటర్ల మంచినీటి సరఫరా చేయాలని చెప్పారు.

ఇది సక్రమంగా అమలు అయితే 700 లీటర్ల సరఫరా జరిగినట్లే. ప్రతి మూడు నెలలకు ఒకసారి ఈ పథకం పై సమీక్ష నిర్వహించి లోటు పాట్లు ఉంటే సరిదిద్దుకుంటామని, నీటి కనెన్షన్లు, మీటర్లు ఉన్న ప్రతి ఇంటివారు ఈ ఉచిత నీటి సరఫరాను వినియోగించుకోవచ్చని, పరిమితిని మించి వాడుకున్న వారు మొత్తం నీటికి బిల్లు చెల్లించాల్సి ఉంటుందని చెప్పారు.

అంతేకాకుండా డిసెంబర్ 27 తేదీన ఢిల్లీలో లిక్కర్ మాఫియా చేతులో హతమైనట్లు భావిస్తున్నట్లు కానిస్టేబుల్ కుటుంబానికి ఢిల్లీ ఆమ్ ఆద్మీ పార్టీ ప్రభుత్వం కోటి రూపాయల నష్ట పరిహారాన్ని ప్రకటించింది.