ఇందిరా- వైఎస్ విజయమ్మ – పాలకొల్లు-షర్మిల

Posted: 05/28/2013 09:42 AM IST

Jagan ysr ys vijayamma deeksha at indira park

వైఎస్ఆర్ కాంగ్రెస్ పార్టీ గౌరవాద్యక్షరాలు వైఎస్ విజయమ్మ ఈ రోజు ఇందిరా పార్క్ దీక్ష చెయ్యటానికి సిద్దమైంది. అలాగే వైఎస్ షర్మిల కూడా పాలకొల్లులో నేడు నిరసన దీక్ష చేస్తున్నారు. వైఎస్ఆర్ కాంగ్రెస్ పార్టీ అధినేత జగన్మోహన్ రెడ్డి అక్రమ నిర్బంధాన్ని నిరసిస్తూ ఆ పార్టీ నేతలు నిరసనగా ఈ ఇద్దరు దీక్షలకు సిద్ధమయ్యారు. రాష్ట్రవ్యాప్తంగా అన్ని జిల్లా కేంద్రాలన్నింటిలో ఉదయం పది గంటల నుంచి సాయంత్రం 5 గంటల వరకు నిరసన దీక్షలు కొనసాగుతాయి. కాగా వైఎస్ విజయమ్మ హైదరాబాద్ లోని ఇందిరాపార్కు వద్ద దీక్ష చేపట్టనున్నారు.

ఉదయం పది గంటల నుంచి సాయంత్రం 5 గంటల వరకు దీక్షను విజయమ్మ కొనసాగిస్తారు. జగన్ సతీమణి వైఎస్ భారతి కూడా దీక్షలో పాల్గొంటారు. అలాగే జననేత, వైఎస్సార్ కాంగ్రెస్ పార్టీ అధినేత వైఎస్ జగన్‌మోహన్‌రెడ్డిని అక్రమంగా అరెస్ట్ చేసి ఏడాది దాటిన నేపథ్యంలో ఆ పార్టీ కేంద్ర కమిటీ ఇచ్చిన పిలుపుమేరకు ఆయన సోదరి షర్మిల ఈరోజు పాలకొల్లులో నిరసన దీక్ష చేపట్టనున్నారు.

జిల్లాలో మరో ప్రజాప్రస్థానం పాదయాత్ర చేస్తున్న ఆమె పాలకొల్లులో ఉదయం 10 గంటల నుంచి సాయంత్రం 5 గంటల వరకూ దీక్షలో పాల్గొంటారని ఆ పార్టీ జిల్లా కన్వీనర్, ఒక ప్రకటనలో తెలిపారు. స్థానిక మార్కెట్ యార్డు వద్ద ఇందుకోసం విస్తృత ఏర్పాట్లు చేసినట్టు పేర్కొన్నారు. షర్మిలతోపాటు జిల్లాలోని ముఖ్య నాయకులు, కార్యకర్తలు కూడా దీక్షలో పాల్గొంటారని తెలిపారు. సాయంత్రం దీక్ష విరమించడానికి ముందు ప్రజలను ఉద్దేశించి ఆమె మాట్లాడతారని పేర్కొన్నారు.