Posted: 04/01/2013 12:01 PM IST

విద్యుత్ కోతలకు, ఛార్జీల మోతకు నిరసనగా తెలుగుదేశం పార్టీ అధినేత చంద్రబాబు నాయుడు ఈ రోజు దీక్ష చేయబోతున్నారు. గత కొన్ని రోజుల నుండి పాదయాత్ర చేస్తున్న చంద్రబాబు పాదయాత్రను పోరు యాత్రగా మార్చబోతున్నాడు. ఆయన ఈరోజు చేపట్టదలచిన దీక్షను నాగమల్లితోట సబ్ స్టేషన్ ముందు ఉదయం నుండి సాయంత్రం వరకు రోడ్డు పై బైటాయించి నిరసన తెలపనున్నారు. ఇందులో భాగంగానే బాబు పాదయాత్రను ప్రారంభించారు. ఇందులో భారీగా కార్యకర్తలు పాల్గొన్నారు.  నల్లబ్యాడ్జీలు ధరించి పాదయాత్ర చేస్తున్నారు. ఆనందభారతి నుంచి 2.7 కి.మీ మేర పాదయాత్ర చేసి 11:30 గంటలకు నాగమల్లితోటకు చేరుకోనున్నారు.