Posted: 04/01/2013 12:04 PM IST

లక్కుంటే లాటరీ టిక్కెట్లు గెలుచుకోవచ్చు. కానీ లక్కుంటే ఇక పై హెచ్ 1 బీ వీసాలు కూడా గెలుచుకోవచ్చు. అదేంటి హెచ్ 1 బీ వీసాలకు కూడా లక్కు కావాలా అని అనుకోకండి. ఇక పై లక్కుంటేనే ఆ వీసాలు వస్తాయి. ఎందుకంటే ఈ వీసాల జారీలో అమెరికా లాటరీ విధానాన్ని అనుసరించబోతుంది. ఇందులో లాటరీలో తగిలిన వాళ్ళకే ఈ వీసాలు జారీ చేస్తారు. అయితే అమెరికాలో ప్రతి ఆర్థిక సంవత్సరంలో గరిష్టంగా 65 వేల వీసాలే జారీ చేయాలి. కానీ ధరఖాస్తులు లెక్కకు మించి వస్తాయి. దీంతో వారు ఈ విధానానికి శ్రీకారం చుట్టబోతున్నారు. నేటి నుండి ధరఖాస్తులు స్వీకరించనున్న నేపథ్యంలో తొలి ఐదురోజుల్లోనే పరిమితికి మించి ధరఖాస్తులు రావచ్చని అమెరికా పౌరసేవల విభాగం అధికారులు తెలిపారు. ఒకవేళ ఈ విధానం అమలైతే... 2008 తరువాత ఈ విధానం అనుసరించడం ఇదే తొలిసారి అవుతుంది. ఒకవేళ ఈ వీసాలు మీకు అవసరం ఉంటే లక్కు ఉండాల్సిందే.