Posted: 02/04/2013 09:09 AM IST

రాష్ట్ర ముఖ్యమంత్రి కిరణ్ కుమార్ రెడ్డికి మళ్ళీ ఢిల్లీ నుండి పిలుపు వచ్చింది. దీంతో ఆయన నేటి ఉదయం ప్రత్యేక విమానంలో ఢిల్లీ బయలుదేరి వెళ్ళారు. మరి ఇంత అర్జెంటుగా అధిష్టానం ఎందుకు కిరణ్ ని పిలిచినట్లు ? అంటే రాష్ట్రంలో జరుగుతున్న పరిణామాల పై తాజా పరిస్థితులను తెలుసుకునేందుకు ఆయన్ను పిలిచినట్లు సమాచారం. ముఖ్యంగా తెలంగాణ అంశం పై కాంగ్రెస్ పెద్దలు కిరణ్తో చర్చించే అవకాశం ఉంది. ఇక రాష్ట్రంలో జరుగుతున్న ఉద్యమాల ప్రభావం ఇతరత్రా అంశాలపై చర్చ జరగనున్నట్లు సమాచారం. ముఖ్యమంత్రితో చర్చలు జరిపిన తరువాత పీపీసీ చీఫ్ బొత్సను కూడ పిలిపించే అవకాశం ఉంది.  తెలంగాణపై మరిన్ని సంప్రదింపులు జరపాల్సి ఉందని... ముఖ్యమంత్రిని, పీసీసీ చీఫ్‌ను, మూడు ప్రాంతాల సీనియర్ నేతలను వీలైనంత త్వరలో ఢిల్లీకి పిలిపించి చర్చిస్తామని ఆయన ఆజాద్ చెప్పారు. అందులో భాగంగా మొదట కిరణ్ ని పిలిచినట్లు తెలుస్తుంది. గతంలో కూడా ఇలాగే రోశయ్యను పిలిచి, తరువాత తెలంగాణ పై చిదంబరం ఓ ప్రకటన చేశారు. మరి ఇప్పుడు కూడ తెలంగాణ పై ఏదైనా ప్రకటన చేస్తారేమో చూడాలి.