Posted: 01/29/2013 06:50 PM IST

 భారత సినీ నటుడు  షారుఖ్ ఖాన్ విషయమై పాకిస్థాన్  అంతర్గత  వ్యవహారాల మంత్రి  రెహమాన్  మాలిక్ చేసిన వ్యాఖ్యలకు భారత్  ఘాటుగా స్పందించింది.  తమ పౌరులను కాపాడుకోగల సామర్థ్యం  తమకుందని,  ముందు తన పౌరులను కాపాడుకోవడమెలాగో పాకిస్థాన్  ఆలోచించుకోవాలని  కేంద్ర హోం సెక్రెటరీ  ఆర్ కె సింగ్  పేర్కొన్నారు. షారుఖ్ ఖాన్  ఓ పత్రికకు  ఇచ్చిన ఇంటర్య్వూలో   ఒక ముస్లిం వ్యక్తిగా  తనకు ఎదురైన  అనుభవాలను  వివరంగా పేర్కొన్నారు. అది చూసి షారుఖ్ ఖాన్   పాకిస్థాన్ కి వచ్చి ఉండవచ్చని  జమాతెదువా ఛీఫ్  హఫీజ్ సయీద్ అనడం  వివాదానికి  తెరలేపింది.   పాకిస్థాన్  మంత్రి రెహమాన్ మాలిక్  మరొకడుగు ముందుకేసి  భారత్  ప్రభుత్వం  షారుఖ్ ఖాన్ కి రక్షణ కల్పించాలని వ్యాఖ్యానించారు.