Posted: 12/31/2012 12:50 PM IST

తెలంగాణ రాష్ట్ర సమితి  నేత  ఈటెల  రాజేందర్ , తెలుగుదేశం పార్టీ  అధినేత చంద్రబాబు  పై ఘాటైన విమర్శలు చేశారు.  చంద్రబాబు నరనరాన  సమైక్యవాదం  ఉందని ఆయన అన్నారు.  చంద్రబాబు  సమైక్యవాదం  వైపే  మొగ్గు చూపుతున్నారని  ఈటెల రాజేందర్ విమర్శించారు.  అందుకోసమే   వరంగల్ లో జై  తెలంగాణ అని రాసి ఉన్న బోనాన్ని  పక్కన బెట్టి  జై తెలుగు దేశం రాసి  ఉన్న బోనాన్ని  ఎత్తుకొని  చంద్రబాబు తన నిజస్వరూపాన్ని  బయట పెట్టుకున్నారని  ఆయన అన్నారు.   తెలంగాణ కోరుతూ  మెదక్  జిల్లా సిద్దిపేటలో  నిర్వహిస్తున్న  రిలే దీక్షలకు  ఈటెలన సంఘీ భావం తెలిపారు.  ఆ సందర్భంగా  ఆయన చంద్రబాబు పై  మండిపడినట్లు తెలుస్తోంది.  తెలంగాణ కోసం  వెయ్యి మంది ఆత్మహత్య  చేసుకుంటే  ఒక్కరిని  కూడా పరామర్శించలేదని.. అలాంటి  చంద్రబాబును  తెలంగాణ వాదులు ఎవరూ నమ్మరని   ఆయన అన్నారు, నెల  రోజుల్లో కేంద్రం  తెలంగాణ పై తేల్చాలని డిమాండ్  చేశారు.