Posted: 12/26/2012 12:53 PM IST

గుజరాత్ ముఖ్యమంత్రిగా నరేంద్రమోడీ నాలుగోసారి ప్రమాణస్వీకారం చేశారు. రాష్ట్ర గవర్నర్ కమల్ బేనీవాల్  ఈ రోజు ఉదయం ఆయనతో ప్రమాణస్వీకారం చేయించారు. 2001 సంవత్సరం నుంచి అధికారంలో కొనసాగుతున్న మోడీ ప్రభుత్వం ఇటీవల జరిగిన ఎన్నికల్లో ఘన విజయం సాధించి వరుసగా మూడోసారి అధికారాన్ని చేజిక్కించుకుంది. 186 నియోజకవర్గాలకు జరిగిన ఈ ఎన్నికల్లో బీజేపీ 115 సీట్లు గెలుచుకుని పూర్తి మెజారిటీని కైవసం చేసుకుంది. మణినగర్ నియోజకవర్గం నుంచి పోటీచేసిన మోడీ 48 వేల పైచిలుకు ఓట్ల ఆధిక్యతతో విజయఢంకా మోగించారు.  ఈ కార్యక్రమానికి  భాజపా అగ్రనేతలు  అద్వానీ, గడ్కరీ , సుష్మాస్వరాజ్, అరుణ్ జెట్లీ, అరుణ్ జైట్లీ, వెంకయ్య నాయుడు,   ముఖ్యమంత్రులు  శిరాజ్ సింగ్ , చాహాన్, రమణ్ సింగ్, జయలలిత, రాజ్ థాకరే,  ప్రకాష్ సింగ్  బాదల్, ఓం ప్రకాస్ చౌతాలాలతో పాటు పలు పార్టీల నేతలు హాజరయ్యారు.  మోడీ ప్రమాణ స్వీకారానికి  జేడీయూ దూరంగా ఉంది.