Posted: 12/25/2012 11:42 AM IST

వైఎస్ఆర్ కాంగ్రెస్ పార్టీ గౌరవ అధ్యక్షురాలు  వైఎస్  విజయమ్మ , తమ పార్టీ కార్యలయంలో  క్రిస్మస్  వేడుకలు జరుపుకున్నారు. రాష్ట్ర ప్రజలకు వైఎస్ విజయమ్మ క్రిస్మస్  శుభాకాంక్షలు  తెలిపారు. అయితే  విజయమ్మ తమ కుటుంబ సభ్యులతో కలిసి   క్రిస్మస్  పర్వదినం సందర్బంగా  ఈ రోజు ఉదయం హైదరాబాద్‌ మణికొండలోని చర్చిలో ప్రత్యేక ప్రార్థనలు నిర్వహించారు. ప్రజలంతా ఐక్యమత్యంగా సుఖశాంతులతో ఉండాలని విజయమ్మ ఆకాంక్షించారు. ఈ సందర్భంగా చర్చిలో నిర్వహించిన ప్రార్థనా గీతాలు విశేషంగా ఆకట్టుకున్నాయి.  వైఎస్ విజయమ్మ మణికొండలోని చర్చిలో  ప్రత్యేక ప్రార్థనలు చేస్తున్నారని తెలుసుకోని  ఆ పార్టీ కార్యకర్తలు  అధిక సంఖ్యలో  అక్కడి చేరుకోవటం జరిగింది.  విజయమ్మ  ప్రత్యేకమైన  ప్రార్థనా గీతాలు పాడి క్రైస్తవు ప్రజలు  మనసును ఆకట్టుకున్నారు.  ఆమె రాకతో  మణికండ చర్చిలోని  కొత్త శోభ సంతరించుకుందని  క్రైస్తవ ప్రజలు ఆనందంగా చెబుతున్నారు.