Posted: 12/18/2012 03:17 PM IST

టీఆర్ఎస్ పార్టీ  వైఎస్ఆర్ కాంగ్రెస్ నేతల మద్య వివాదం ముదురుతుంది.  ఒకరిపై ఒకరు విమర్శలు దాడి చేసుకోవటం వదిలి పెట్టి ఒకరి ఒకరు దాడి చేసుకొనే స్థాయికి ఎదిగిపోయారు.   ఈ రోజు  వరంగల్   లో  రెండు పార్టీల కార్యకర్తల మధ్య ఉద్రిక్త  పరిస్థితి నెలకొంది.  టీఆర్ఎస్ కార్యాలయం  మందు వైఎస్ఆర్ కాంగ్రెస్ పార్టీ నేతలు   ఆందోళనకు దిగారు.  దీనికి ప్రతిగా  వైఎస్ఆర్ కాంగ్రెస్ పార్టీ  కార్యాలయం  ముందు టీఆర్ఎస్  నాయకులు నిరసనకు దిగారు.  ఈ రెండు పార్టీల కార్యకర్తలు  ఇలా ఎందుకు నిరసనలు చేస్తున్నారో  ఎవరికి అర్థం కాలేదు. ఈ సమయంలో  రెండు పార్టీల నేతలు  ఒకరి ఒకరు మాటల తూటలు  విసుకున్నారు.  

అవి ముదిరిపోవటంతో    ముష్టి యుద్దానికి  రెండు పార్టీ నాయకులు కాలుదువ్వుకున్నారు.  ఈ రెండు పార్టీ మద్య ఉద్రిక్త పరిస్థితి  నెలకొంది.  ఈ విషయం తెలుసుకున్న  పోలీసులు రంగ ప్రవేశం చేసి  రెండు పార్టీ  నేతలపై  లాఠీఛార్జీ  చేసి  కార్యకర్తలను చెదరగొట్టి పరిస్థితిని అదుపులోకి  తీసుకువచ్చారు.  అయితే పోలీసులు కొంత మంది అదుపులో తీసుకొని విచారిస్తున్నారు.