Posted: 11/19/2012 12:26 PM IST

విచిత్ర సమస్యతో బాధపడుతున్న అమెరికన్ బాలిక. ఈ 17 ఏళ్ల అమ్మాయి నికోల్ డెలియన్. పెన్సిల్వేనియా (అమెరికా)కు చెందిన నికోల్ ఈ సిండ్రోమ్‌తో బాధపడుతోంది. ఏడాదిలో కొద్దిరోజులు ఆమె బాగానే ఉంటుంది. మరికొన్నిసార్లు రోజుల తరబడి నిద్రమత్తులో ఉండిపోతుంది. చివరిసారిగా ఈ ఏడాది మార్చి నుంచి ఆమె అలా 64 రోజుల పాటు నిద్రావస్థలో ఉండిపోయింది. "ఈ స్థితిలోకి వెళ్లినప్పుడు నికోల్ రోజులో 19 గంటలకు పైగానే నిద్రలో ఉంటుంది. మధ్యమధ్యలో తినడానికి, కాలకృత్యాలు తీర్చుకోవడానికి లేచినా.. అది పూర్తిగా మేల్కొన్న స్థితి కాదు. ఆ సమయంలో తాను ఏం చేస్తున్నదీ కూడా ఆమెకు తెలియదు.'' అని నికోల్ తల్లి వికీ ఆమె పరిస్థితి గురించి తెలిపారు.  నికోల్ ఈ సిండ్రోమ్‌తో బాధపడుతున్నట్టు తెలుసుకోవడానికి తమకు చాలాకాలమే పట్టిందని, పిట్స్‌బర్గ్‌లో ఒక వైద్యుడి ద్వారా దీని గురించి తెలుసుకోగలిగామని ఆమె వివరించారు. ప్రస్తుతం మందులు వాడుతుండటంతో.. స్లీపింగ్ ఎపిసోడ్స్ తీవ్రత తగ్గిందని చెప్పారు. ఈ నిద్రావస్థ మరోసారి ఎప్పుడొస్తుందో తెలియక ఆందోళన చెందుతున్నానని నికోల్ వాపోతోంది.