Posted: 11/09/2012 04:25 PM IST

దేశంలో అవినీతిని అంతం చేయడానికి పూనుకొని సామాజిక కార్యకర్త నుండి ఇటీవలే రాజకీయ వేత్తగా అవతారం ఎత్తిన కేజ్రీవాల్ అవినీతి పరుల భరతం పడుతున్నాడు. ఇప్పటికే చాలా మంది ప్రముఖుల అవినీతి భాగోతాన్ని బయట పెట్టిన కేజ్రీవాల్ ఇవాళ మరో సారి బాంబు పేల్చాడు. ఇవాళ స్విస్ బ్యాంకులలో దాగి ఉన్న నల్లధనం వివరాల్ని బయట పెట్టాడు. దేశంలో ఉన్న బడా పారిశ్రామిక వేత్తలు స్విస్ బ్యాంకుల్లో దాచుకున్న 700 మంది పేర్లను బయట పెట్టాడు. ఇందులో రిలయన్స్ గ్రూపుకు చెందిన అనిల్ అంబానీ, ముఖేష్ అంబానీ, వారి తల్లి కోకిలా బెన్ కి, కలిపి 500 కోట్ల రూపాయలు, డాబర్ గ్రూపు కు, మోటెక్ సాఫ్ట్ వేర్ కంపెనీకి, రాహుల్ గాంధీ కి సన్నిహితుడైన కాంగ్రెస్ ఎంపీ అయిన అనూ టాండన్ కి 125 కోట్ల రూపాయలు ఉన్నాయని కేజ్రీవాల్ ఆరోపించారు. మొత్తం మీద 25 లక్షల కోట్ల నల్లధనం బ్యాంకుల్లో మూలుగుతుందని దానిని వెంటనే బయటికి తీసుకురావాలని, దీని పై చర్చ మాత్రమే జరుగుందని, చర్యలు మాత్రం తీసుకోవట్లేదని అన్నారు. దేశంలో నల్లధనాన్ని ప్రభుత్వమే ప్రోత్సహిస్తున్నదని ఆయన విమర్శించారు. కేజ్రీవాల్ రాహుల్ పేరు కూడా ఎత్తడంతో, మరికొంత మంది నల్లధనం కూడబెట్టుకున్న వారి గుండెల్లో, కాంగ్రెస్ అధిష్టానం గుండెల్లో రైళ్ళు పరుగెతున్నాయి. మొన్నటి వరకు అల్లుడు లొల్లి, ఇప్పుడు కొడుకులొల్లితో సోనియా గాంధీకి నిద్ర పట్టకుండా చేస్తున్నారు