Posted: 09/17/2012 05:15 PM IST

బ్రష్ సరిగా చేయకపోవడం.. చేసినా పళ్లలో ఇరుక్కున్న ఆహార పదార్థాలన్నీ బయటకు వెళ్లకపోవడం. ఫలితంగా యుక్తవయసులోనే పళ్లు పుచ్చిపోతున్నాయ్. ఇక ముందు ఆ బాధ తప్పనుంది. దంతాల పుచ్చు(కావిటీ)ను నిర్మూలించే ఓ వ్యాక్సిన్‌ను శాస్త్రవేత్తలు రూపొందించారు. ఇది శరీరంలోని రోగ నిరోధక శక్తిని పెంపొందిస్తుంది. ఫలితంగా యాంటీబాడీలు ఉత్పత్తి అవుతాయి. అవి పళ్లపై స్ట్రెప్టోకోసి బ్యాక్టీరియా తిష్ట వేయడానికి సహకరించే ఎంజైములను అంతం చేస్తాయి. దాంతో పళ్లు పుచ్చిపోవడానికి అవకాశం ఉండదు. శాస్త్రవేత్తలు ఎలుకలపై ఈ వ్యాక్సిన్‌ను ప్రయోగించి చూడగా.. వాటిలో పుచ్చు పళ్లు అన్నవే కనిపించలేదట. దీన్ని ఏడాది కంటే చిన్న వయసు పిల్లల్లో ఇస్తే.. దంతాలు చక్కగా పెరగడంతోపాటు.. పళ్లపై పాచి కూడా పట్టదని ఫోర్సిత్ ఇనిస్టిట్యూట్‌కు చెందిన డాక్టర్ డానియల్‌స్మిత్ చెబుతున్నారు.