Posted: 09/17/2012 06:39 PM IST

మీరు విమానంలో ఫస్ట్ క్లాస్ టిక్కెట్ కొనుక్కుంటున్నారా ? అయితే ఒక్క క్షణం ఆగండి... విమాన ప్రమాదాలు సంభవించినపుడు ముందు కూర్చున్న ప్రయాణికులు బ్రతికి బట్టకట్టే అవకాశాలు చాలా తక్కువట! ఈ మేరకు మెక్సికోలోని ఓ ఎడారిలో జరిగిన అత్యంత ఖరీదైన పరీక్షలో నిపుణులు అంచనా వేశారు. 727 బోయింగ్ విమానాన్ని 2,500 అడుగుల ఎత్తుకు తీసుకెళ్లాక.. పైలెట్ పారాచ్యూట్ సాయంతో బయటకు దూకేశాక రిమోట్ సాయంతో విమానాన్ని ప్రమాదానికి గురిచేశారు. ఈ ఫలితాలను విశ్లేషించిన నిపుణులు 78శాతం మంది ప్రయాణికులు జీవించే అవకాశాలు ఉన్నాయని అంచనా వేశారు. వెనుక భాగంలో కూర్చున్న ప్రయాణికులు సురక్షితంగా ఉండే అవకాశాలు ఎక్కువగా ఉన్నాయని గుర్తించారు.