Posted: 09/06/2012 03:55 PM IST

కేంద్రంలో బీజేపీ అధికారంలోకి వస్తే మూడు నెలల్లో తెలంగాణ రాష్ట్రాన్ని ఏర్పాటు చేస్తామని లోక్‌సభ ప్రతిపక్షనేత సుష్మాస్వరాజ్ హామీ ఇచ్చారు. కాంగ్రెస్ అంతమయ్యేవరకు తెలంగాణ రాదన్న విషయాన్ని కేసీఆర్‌కు, తెలంగాణ ప్రజలకు చెప్పాలన్నారు. మధ్యంతర ఎన్నికలు వస్తాయని, ఒకవేళ రాకుంటే 2014లో కాంగ్రెస్ అంతమవుతుందని, అప్పటి వరకు తెలంగాణ కోసం ప్రసవ వేదన భరించాల్సిందేనని పేర్కొన్నారు. తెలంగాణ పోరు దీక్షలో ఆమె మాట్లాడారు. ‘‘ఈ నెలాఖరులోపు తెలంగాణ వస్తుందని సంకేతం అందినట్టు కేసీఆర్ చెబుతున్నారు. నమ్మకం పెట్టుకోవడం మరిచిపోవాలని కేసీఆర్‌కు చెప్పండి. ఈ నెల కాదు.. ఎన్నినెలలు పూర్తై తెలంగాణ రాదు. కేంద్రంలో కాంగ్రెస్ అంతమై బీజేపీ అధికారంలోకి వచ్చాకే తెలంగాణ వస్తుంది. ఈ విషయాన్ని కేసీఆర్‌కు, తెలంగాణ వాసులకు చెప్పండి’’ అని అన్నారు.