Posted: 08/26/2012 08:18 PM IST

      తన భర్త మరో ఆమెతో కులుకుతున్నాడంటూ ఓ భార్య పోలీస్ స్టేషన్ ఎదుట ఆందోళనకు దిగితే.. దానికి పూర్తి విరుద్దంగా జరిగింది మరో ఘటన.  రంగారెడ్డి జిల్లా, పరిగి మండలం నష్కల్‌లో ఈ విషాదం చోటు చేసుకుంది. తన భర్తను పోలీసులు అరెస్టు చేశారనే మనస్తాపంతో ఇద్దరు పిల్లలతో కలిసి ఓ మహిళ బావిలోకి దూకి ఆత్మహత్య చేసుకుంది. గ్రామంలో జరిగిన ఓ దొంగతనం కేసులో రాజు అనే వ్యక్తిని రెండు రోజుల క్రితం పోలీసులు అరెస్టు చేశారు. ఈ కేసుకు సంబంధించి పోలీసులు అతని భార్య లక్ష్మిని కూడా శనివారం ప్రశ్నించారు. దీంతో ఆమె మనస్తాపానికి గురైంది. దొంగతనం కేసులో పోలీసులు తనను, తన భర్తను వేధిస్తున్నారని ఆరోపిస్తూ పిల్లలతో కలిసి బావిలోకి దూకింది. మృతదేహాలను స్థానికులు ఈ (ఆదివారం) ఉదయం బయటకు తీశారు. మృతురాలి బంధువులు కూడా పోలీసుల వేధింపుల వల్లనే ఆమె మృతి చెందిందని ఆరోపిస్తున్నారు.

..avnk