Posted: 08/17/2012 04:26 PM IST

అక్రమ గనుల గాలి జనార్థన్ రెడ్డి బెయిల్ ఫర్ సేల్ కేసు కొత్త మలుపు తిరిగింది. ఈ కేసులో ఒక్కొక్కరుగా బయటికి వస్తున్నారు. ఇదివరకే  గాలి బంధువులు, లాయర్లు ఉన్నారు. తాజాగా ఈ కేసుకు సంబంధించి గాలి అనుచరుడు, బీజేపీ నుండిబయటికి వచ్చి కొత్త పార్టీ పెట్టి ఎమ్మెల్యేగా గెలుపొందిన శ్రీరాములుకి ఎసిబి ఇవాళ విచారణ ఎదుర్కోవాల్సిందిగా నోటీసులు జారీ చేసింది. ఈ కేసులో కంప్లి ఎమ్మెల్యే సురేష్ బాబు ఇది వరకే అరెస్టు అయ్యారు. ఈయనను కూడా గతంలో విచారణకు పిలిచి అరెస్టు చేశారు. ఇప్పుడు శ్రీరాములు విషయంలో కూడా అలాగే చేస్తున్నారు. దీనిని బట్టి చూస్తే... త్వరలో శ్రీరాములు కూడా జైలుకు వెళ్ళే అవకాశాలు పుష్కలంగా కనబడుతున్నాయి. మరి ఈ కేసు రాను రాను ఎంకెందరి మెడకు చుట్టుకుంటుందో చూడాలి.